Algo pasa di 3or diasabra madruga, patruya di Noord a ser manda riba e caminda di Moko net dilanti di mi Dudu Restaurant. Eynan a sosode un accidente y caminda e palo di lus ta benta riba caminda. Mesora varios patruya di noord tambe a bay pa duna un man pa asina sera e caminda. Na yegada di e prome patruya, a bin topa cu un Daihatsu color shinishi numera A-67093 y un Hyundai Creta color blanco numera A-44136. Ora polis a bay chek exactamente kiko a sosode, a bin saca afor cu e Hyundai tabata bayendo direccion Noord y na dado momento el a hala full riba su caminda contrario y cu consecuencia cu el a dal den e Daihatsu cu ta biniendo for di noord bayendo zuid. E chauffeur a perde control y ranca un palo di lus cu transformer pega na dje. Ambulance a ser pidi na e sitio di e susedido pa asina atende cu tur dos chauffeur. E dos damanan aki a ricibi basta sla. E dos damanan a wordo atendi pa e personal di ambulance y un di e damanan c uta e chauffeur e Hyundai a keda deteni ora cu a wordo controla na hospital. Un cuerpo di polis a bay cu e dama den ambulance pa asina manera e keda cla cu chekeo medico e wordo transporta pa warda di Shaba. E muher tabata bou influencia di alcohol. Daño material tabata grandi na ambos auto y e palo di lus a cay riba caminda y e wayanan di coriente tabata forma un peliger. Polis a sera ambos banda di caminda pa trafico.
