Ayera nos a publica un noticia caminda cu personal di Departamento di Impuesto a pidi asistencia di polis, pa un iregularidad, esta un persona cu lo mester cu un number falso.
Doño di e number no a basila y di biaha a manda un reaccion riba esaki.”Mi kier bisa polis y impuesto cu nan tin cu traha den manera corecto y no trece informacion eroneo cu por trece incertidumbre y intrankilidad na e comunidad. Nan ta papiando manera nan tin rason. Si impuesto tabata haci su trabao manera e mester ta, e cos no ta bay asina manera nan a bisa. Bo no por falsifica algo cu ta dibo. E number A-21945 e ta dimi anto mi no por falsifik’e. Na aña 2016 mi auto tabata para na garage hunto cu mi number. Pa mi mala suerte un hende a tuma mi number for di garage sin mi autorisacion. Anto ora m’a bay garage, mi no a wak mi number di auto mas. M’a cuminsa investiga. Anto pa colmo mi number ta na polis na Noord. 
E tempo aya m’a bay hopi biaha na polis na Noord y mi no a haya mi number. Nan a bisami cu ordo di ministerio publico, mi por haya mi number. Wel m’a bisa nan, mi tey traha un y henter aña m’a core cu e number aki. Tur ora cu polis a parami, nan ta bisami cu nan ta bay n’ami un boet. M’a bisa nan “n’ami mi number anto.” Na 2017 m’a paga mi number di auto. E tempo aya m’a splica e persona cu a yudami, cu mi auto tabata para na garage y el a n’ami sticker. Con mi por falsifica algo cu m’a paga p’e y nan a dunami. Porta nan a haci fout, cu mi no por paga algo cu mi no tabata haci uso di dje na 2016. Mi ta spera tin solucion pa e cos ki no para te na corte. Si bo persoonnummer cu bo skirbi riba un pida papel cu no ta esun cu impuesto ta dunabo, esey ta falsifica. Danki.”
