Dobbel celebracion di CEDE Aruba

270
E Hefe DMAX
RBC Mortage
Cumpra Lotto Online
CMB – Mobile Banking Nobo

Ayera nochi na Cas di Cultura a tuma lugar dos iniciativa sumamente importante pa e bienestar di nos comunidad. Den presencia di varios dignatario incluyendo Su Excelencia Gobernador Alfonso Boekhoudt y Minister di Enseñansa, Sciencia y Desaroyo Sostenibel, CEDE Aruba hunto cu mas di 70 organisacion comunitario a tene e prome “Volunteer of the Year Award Ceremony” y a lansa e version nobo di e Guia Comunitario ‘ORG.aw’.
CEDE Aruba ta pone luz ariba e gran contribucion di boluntarismo na Aruba. Durante e apertura di e evento e directiva di CEDE Aruba y e Minister di Enseñansa, Sciencia y Desaroyo Sostenibel dr Rudy Lampe, a enfatisa cu e contribucion di boluntarionan na Aruba ta inpagabel. Sin e aporte di un cantidad grandi di boluntarionan cu ta sali for di un cantidad grandi di organisacion den varios sector, Aruba lo no por funciona.
E programa di e anochi a cuminsa cu e lansamento oficial di dos parti nobo den e plataforma di Guia Comunitario ‘ORG.aw’, esta e parti di ‘Volunteer Jobs’ y ‘Community Events’. Su Excelencia, Gobernador di Aruba hunto cu directiva di CEDE Aruba a inicia e lansamento di e bunita proyecto aki. E Guia Comunitario ‘ORG.aw’ di Aruba ta un iniciativa di CEDE Aruba y ta consisti di mas cu 240 organisacion, fundacionnan, asociacion y iniciativa cu un meta comunitario na Aruba. Cu e parti nobo di ‘ORG.aw’ tur miembro di e plataforma por publica nan trabounan boluntario y nan eventonan ariba e Guia Comunitario ‘ORG.aw.’
Despues di e lansamento a bai over na e ceremonia di e ‘Volunteer of the Year’ Awards. Mas cu 70 boluntario a wordo reconoci pa nan trabou y contribucion durante aña 2017. Cada organisacion cu ta forma parti de e Guia Comunitario ‘ORG.aw’ por a nombra un boluntario pa aña 2017. Cada boluntario y cada organisacion a risibi un premio, traha pa e Proyecto ‘Plastic Beach Party’. E premionan aki ta unico y a wordo traha entre otro dor di plastic cu a wordo colecta durante varios accion di limpiesa riba e beachnan di Aruba.
Tabata reina un ambiente sumamente positive durante e anochi. E boluntarionan di aña 2017 y nan organisacion tabata hopi contento cu e reconocimento. Varios organisacion a menciona cu e evento mester bin bek cada aña. Stichting Trampolin pa Trabou hunto cu ‘Dushi pasa Boca’ a maneha e parti di catering y CEDE Aruba tabata hopi satisfecho cu e nivel di servicio cu e clientenan di Stichting Trampolin pa Trabou a ehecuta na e invitadonan. CEDE Aruba tambe ta gradici Mariott Aruba Resort, Camacuri Residence & Apartments, Bingo Restaurant y Que Pasa Restaurant cu a contribui cu e bunita ‘doorprizes’ pa e publico di e evento.

Comments

DHL – Bogota
dia di tata garage cordia

comments

Score cu Gillete
Dragon Fly