E radio emisora Blue FM 107.5 FM cu ta pertenece na famia Leañez, pero opera dor di ABH Production di Hubert Benito, conoci como DJ Corsou, a perde un caso civil cu Edward del Orbe, conoci como DJ Alah, a entama contra nan. Den e caso aki abogado mr. David Kock a defende DJ Alah y abogado mr. Anthony Ruiz a defende DJ Corsou.
Na luna di Mei 2013, e dos personahenan di radio a dicidi pa hunto nan huur e emisora y asina a crea e concepto di Blue FM. Na aña 2016 caba, un di e partnernan, DJ Alah, a señala algún asunto dudoso den e administracion y a opta pa cuminsa cu un caso civil den Corte. E caso a tuma bastante tempo y tin di haber cu debe di comision cu e emisora mester paga na su DJnan y bendedonan di propaganda.
Awe 18 di april 2018, Hues mr. Y. vanwersch a dicta na fabor di Edward del Orbe (DJ Alah) y a instruí e emisora pa paga DJ Alah e suma di Afl. 90.241,90 y na otro banda a dicta cu Blue FM mester core cu e gastonan di e caso, valora na Afl. 7.750,=.
