Diadomingo ultimo a tuma luga e di 24 edicion di Miss Gay Aruba, organisa pa Bird Cage Productions. Den un sala di Renaissance Convention Center completamente yena di fanaticonan y publico general, e anochi a cuminsa cu un opening mahestuoso, den man di e aclama choreografo Eduardo Parraga, caminda e 5 candidatanan a lanza un tremendo espectaculo, bao thema di “Dream Girls”.
E aña aki, e opening show tabatin un invitada sorpresa, kende ora a subi escenario a pone e publico perde cabez. Tabata trata di e famoso Cassia Kattáh, ex hostess di Miss Gay Aruba, kende a carga e certamen pa 15 aña largo. Cassia a sorprende henter e sala y tambe e presentadoranan. Cassia a duna un presentacion digno di su calidad, cual na final, emocion a domina, caminda e ex presentadora a haña un momento di hopi sentimiento di mira su publico biba hunto cun’e. Un momento hopi bunita y emocionante.
Despues di opening, e candidatanan a haña chens pa trece nan creacion dilanti den e parti di trahe di baño, show di talento y tambe trahe di gala.
E resultado final tabata e siguiente:
Most Facebook Likes: Diva Lee, candidata #4 Best Makeup: Joanne Mansur, candidata #5 Best Evening Gown: Diva Lee, candidata #4 Miss Photogenic: Joanne Mansur, candidata #5 Best Show: Ana Maria Chelis, candidata #1 Most Popular: Diva Lee, Candidata #4 Best Body: Ana Maria Chelis, candidata #1
Y e cuadro di finalistanan a resulta:
2nd Runner Up: Ana Maria Chelis, candidata #1 1sr Runner Up: Joanne Mansur, candidata #5 MISS GAY ARUBA 2017 Diva Lee, candidata #4
