Directiva nobo di ASB a tene su promer Board Meeting

70
CMB – Mobile Banking Nobo
E Hefe DMAX
24 ora App
RBC Mortage

Diaranson ultimo 3 di Januari 2018 manera aña nobo a inicia por a nota cu ASB a ranca sali cu nan Board Meeting tratando diferente punto. Despues di a reparti e puestonan den directiva di acuerdo cu  e resultado di Algemene Leden Vergadering di 13 di December 2017, a bay over na trata Plan 2018. Final di October 2017 ASB a entrega su wenselijke begroting na Subsidie Commissie cual ta basa riba un Plan 2018 hopi elabora. Parti di e Plan ta Selecion Masculino cu lo mester competi den campeonato di CONSURSA 1 pa 9 di Juni na Monteria Colombia. Tambe Selecion Femenino cu muy probablemente lo competi na Aruba den luna di October unda Aruba lo “host” un campeonato official femenino di CONSURSA despues di mas di 15 aña cual lo bira un atracion grandi cu confirmacion di 8 pais. Otro projecto ta Clinica pa umpires cu lo tuma lugar 22 pa 26 di Januari.  Un projecto bunita ta Liga Especial programa pa April. ASB lo apunta 5 equipo miembro cualnan por reforsa cu tur hungadornan miembro di ASB sin e proceso di overschrijving y lo trese 5 pitcher di alto nivel Aruba pa 4 a 5 siman unda cada equipo lo wordo honra cu un pitcher. Lo hunga un campeonato unda nos batiadornan lo desaroya nan nivel mirando pitcheo fuerte internacional manera risingball y dropball den combinacion cu desaroya nos propio pitchernan. Pues den tur double header e pitcher intenacional por lansa maximo 7 inning. Lansando un wega completo of por ehempel 4 inning promer wega y 3 inning e di dos wega. Nan mester train tambe pitchernan local pa e periode cu nan ta na Aruba. Asb lo instala pronto un comision cu lo bay dedica na recruit hobennan femenino bou 16 aña y lo percura pa un campeonato U16 femenino cumpliendo asina cu e vision di WBSC y IOC. Separa di esaki lo organisa campeonatonan regular desde Mei den liganan  AA y A-Klas masculino y AA femenino. Otro projecto cu lo wordo dirigi y guia pa nos miembro nobo di bestuur Estefano “Fano” Croes ta scoring electronico. Lo percura pa score tur weganan di campeonato den 2018 riba un systema electronico y mesora resultadonan lo bay ta visibel pa henter comunidad. Aruba Softball Bond ta jama bon bini tambe na Andres Krozendijk y Ramiro “Roy” Geerman otro miembronan nobo di directiva. Terminando ta desea diectiva di ASB hopi exito cu nan Plan 2018 y sigur nan ambicion pa logra tanto projecto den un aña. Boluntad tey y animo ta halto. Softball den pleno desaroyo.

Comments

24ora Gana Cel

comments

Juju Events
Dragon Fly
Amerijet