Directiva di Parke Nacional a tuma retiro “en bloc”

E Directiva di Parke Nacional Arikok, ayera dialuna 18 di juni 2018, a dicidi di entrega nan retiro “en bloc”, debi na un disputa riba maneho entre e fundacion y Gobierno. Mesora despues di nan retiro, e directiva di Aruba Birdlife Conservation di e mesun Greg Peterson, a opta pa manda un carta mesora pa Hues di Corte den Prome Instancia, pa Gobernador, na Minister Presidente, na Minister Otmar Oduber, empleadonan di Parke Nacional Arikok, na organisacionnan NGO y na Parlamento di Aruba.

Den e cartanan aki, e fundacion ABC ta sinti cu e tin interes directo pa pidi intermediacion y pa e NGOnan scoge miembronan di peso pa un directiva nobo y pa Hues maneha e proceso aki. E fundacionnan envolvi y cu a haya carta ta Aruba Marine Mammal Foundation, Reef Care Aruba, Raibow Warriors International, Stichting Sero Cristal y Turtugaruba.

E directiva di Parke Nacional Arikok ta consisti di:

  • Gregory Peterson, como Presidente, desde Augustus 2012
  • Richard van der Wal, como Vice Presidente, desde Augustus 2012
  • Glenn Thode, como Secretario, desde Maart 2018
  • Patrick Arens, como Tesorero, desde November 2015

Click AKI pa lesa documentonan relaciona cu retiro di e directiva di Parke Nacional Arikok