Diamars merdia ta tuma luga e reunion di directiva di Aruba Trade and Industry Association. E reunion e biaha aki a haya un punto adicional den agenda, despues cu dialuna mainta Minister Glenbert Croes a anuncia cu e ta subi salario minimo barbaramente. E no a menciona cu cuanto ni desde ki dia. Tampoco e por a menciona si a haci un estudio di e consecuencianan di un aumento drastico asina. Despues di e reunion ATIA lo comunica nan opinion y pensamento pa e forma di proceder aki.
