Den 2017, Dimas a atende un total di 14135 peticion. Eseynan ta pa diferente meta di estadia. E prome 8 lunanan a traha den e sistema NAVAS y desde September pa December tin e registracion den e sistema nobo cu ta Sersa. Por bisa cu den henter e aña por wak cu e nacionalidadnan cu a predomina, mescos cu e añanan anterior, ta Colombiano como prome, Venezolano, Dominicano, Hulandes, sigui pa Haitiano. Despues tin mas nacionalidad naturalmente. Verblijfsdoelen cu a resalta cu a pidi pa 2017 ta e permiso pa traha, arbeid in loon dienst. Esun di famia, gezinshereniging, of gezinsvorming, si nan a forma un famia na Aruba. E parti di personal domestico tambe ta un di nan cu a predomina den e aña y esunnan cu tin un laso special cu Aruba, sea cu nan tin yiu na Aruba, of tin un status cu nan tabata casa cu un Arubiano y a keda mantene un permiso. Esey ta e verblijfsdoelen cu a predomina, segun Kathy Paskel, directora di Dimas.

Den funcion, personal domestico a predomina den 2017, sigui pa loke a yama den e sistema General Manager, pero esey ta e categoria di inversionista di hendenan cu a pidi un peticion pa un permiso a base di nan cantidad di accion cu nan tin den compania, cleaner, cu ta un funcion di limpiesa, cu a predomina y koki.

Esey ta e 5 top funcionnan

Si mira den edad, por mira un variacion den locual cu ta mas cu 50% cu ta riba edad di 35 aña. Esey tambe ta bezig ta monitorea. Asina tin hendenan cu edadnan basta avansa tambe cu a pidi permiso. Eseynan ta topiconan cu lo trece na conocemento di minister pa wak con lo sigui atende cu maneho di esey.

Pa loke ta reparticion di hende homber cu hende muhe, por mira den 2017, e porcentahe tabata parti na mas of menos 56% hende muhe y 44% hende homber, pa esnan cu a aplica den 2017.

Pa loke ta prome cu September, cual ta e sistema NAVAS, tin mas of menos 200 peticion ainda habri. E peticionnan haci desde September pa December, a ehecuta un plan caba pa haal in loke ta retrasa e ultimo dos simannan di December.

E plan aki lo continua y pa locual cu ta peticionnan cu a wordo haci September p’adilanti, tin un cantidad habri awor aki di 3000 y pico peticion. Sa cu tin cu atende cu e plan aki den e luna aki cu ta bin. Ta bezig cun’e tambe y hendenan a haya un carta informando nan cu Dimas lo tuma mas tempo cu premira. Pero di parti di Dimas, trahando duro conhuntamente cu KPMG cu a desaroya e sistema, pa saca tur e retonan cu tin den dje, pa asina por procesa tur locual cu tin na aplicacion den e sistema di September bin p’adilanti.

Gap di 3000

E gap di 3000 ta peticionnan na comienso. A raporta esaki tambe. Tabata tin dificultad pa procesa e permisonan aki den e sistema. Mientras tanto a haci algun ahustacion den e sistema caba cu esaki a bira posibel cu por a produci tambe e producto na final, esta e input y output. Awor aki ta keda ainda sigui rafina locual cu ta den e sistema y saca e bugsnan cu tin. Tambe unda tin cu configura cierto cosnan, tin cu tuma luga pa asina tur peticion cu ta den tramite, tambe esnan nobo den 2018, wordo procesa den un tempo rasonabel.

Ta trahando cu e miras cu e potencial cu e sistema ta duna cu lo por tramita permisonan riba un tempo record. Esaki ta e deseo tambe di e minister nobo. Dimas ta pasando den e sistema pa haci esaki tambe posibel dentro di un tempo cu lo por bay anuncia ora cu ta asina leu.