Pa prome biaha Digicel Aruba a bira partner di Flip Flop Festival. Digicel a rifa ticketnan di Flip Flop riba Facebook y anuncia e ganado nan tambe. Diahuebs 26 di April 2018 lo tin un descuento special riba ticketnan di Flip Flop y tambe lo tin un benta special riba prepaid y postpaid.
Digicel Aruba ta contento di anuncia cu nan lo tin prijs special riba e celularnan modelo DL2 pa solamente AWG. 60,-, pero tambe lo tin un postpaid deal di cual clientenan por ricibi e celularnan modelo J5 y Nokia 5 gratis. Tumando e prepaid of postpaid deal, por cumpra ticket di Flip Flop pa solamente AWG. 60,- y disfruta di e festival cu diferente artista local y internacional.
Digicel Aruba no ta ofrece solamente benta special riba ticketnan, pero tambe lo tin diferente “amentities” durante e festival. Lo tin un lounge area grandi den e seccion general cu un stacion pa charge bo celular. Tambe Digicel Aruba lo provee Wi-Fi pa tur bishitante pa asina nan por comparti nan experiencia durante e Flip Flop Festival.
“Digicel ta un proveedo di entretenimento y como tal, nos ta hopi contento pa partner cu Flip Flop Festival cu a demostra di trece un experiencia magistral durante e festival cerca hopi bishitante”, asina Wanda Broeksema di Digicel Aruba a duna di conoce. E ta invita tur hende pa pasa na un di e tiendanan di Digicel y cumpra nan ticket di Flip Flop cu e deal special aki.
Tocante Digicel
Digicel ta un compania di comunicacion y ta proveedor di entretenimento operando den 31 mercado den Caribe, Central America y Pacifico di Asia. Tambe Digicel ta anfitrion di un base di varios iniciativa rond di su mercadonan, incluyendo Fundacion Digicel na Haiti, Jamaica, Papua New Guinea y Trinidad & Tobago cu ta enfoca riba programanan social, di educacion, di cultura y di desaroyo. Bishita www.digicelgroup.com pa mas informacion.
