Digicel tin e tarifa MAS BARATA na Aruba!

Monday, 04 February 2013 17:58

Digicel a lansa un promocion espectacular, ofreciendo “One Rate”, o sea un solo tarifa, pa tur yamada pa cualkier number local riba cualkier red di nos isla. Activando “One Rate”, clientenan di Digicel ta haci yamada di Digicel pa Digicel, pa liñanan di telefon fiho, como tambe pa celularnan riba otro red y ta paga e mesun tarifa incomparabel di 35 cen pa minuut. Esaki ta e tarifa mas barata na Aruba! Cuminsando diahuebs dia 31 di januari, clientenan di Digicel por a cuminsa activa e servicio aki. Pa activa esaki ta facil, manera 1-2-3: Paso 1: Top up bo cuenta cu un minimo di Afl. 10, Paso 2. Marca *160# pa activa e promocion y Paso 3: Haci yamada pa cualkier red, pa telefon celular of linea fiho na Aruba y bo ta paga unicamente 35 cen pa minuut. "Esaki ta e tempo di aña perfecto pa e promocion aki, net despues di e fiestanan di fin di aña y hustamente na tempo pa Carnaval, unda cu clientenan por spaar placa cu Digicel pa disfruta di otro actividad durante e temporada festivo aki. Digicel un biaha mas ta duna bek na e comunidad den cual e ta bon estableci y e miho manera pa demostra nos aprecio na tur nos clientenan ta pa medio di ofertanan sin comparacion cu ta spaar nan placa. Cu One Rate nos ta duna nos clientenan valioso di prepaid e regalo di e miho balor pa nan conexion; nan por keda den contacto cu amigo y famia na Aruba pa e tarifa pa minuut di mas abao," asina Remko van der Veldt, Gerente General di Digicel Aruba a bisa. Esaki ta un tremendo forma di yama nan clientenan extra ordinario "masha danki" y tambe pa yama bon bini na tur clientenan nobo kende sigur lo kier uni nan mes na e famia grandi riba e red di Digicel. One Rate ta obtenibel pa clientenan prepaid di Digicel y ta valido durante shete (7) dia despues cu e wordo activa. Pa disfruta di e tarifa di 35 cen pa minuut pa un periodo mas largo, clientenan mester reactiva e servicio; simplemente ripiti e pasonan den e instruccionnan duna anteriormente. Riba e fotonan adhunto por aprecia e alegria y entusiasmo na momento cu Digicel a lansa e campaña nobo aki, di cual ta anuncia tur caminda cu yamadanan ta 35 cen pa minuut, e tarifa mas abou na e momentonan aki!