Lo bay tin un encuentro cu e comunidad. Asja Dongen, relacionista publico di WEB, a conta cu nan lo bay organisa un encuentro, cual nan ta yama un Stakeholder meeting, cu tur persona na Aruba cu ta interesa den e proyectonan di parkenan solar di WEB Aruba.
Manera cu por a wak caba, un di nan ta e sunrise solar park cu ta na Lago Heights cu ta kedando cla. Asina tambe tin e MFA na Noord, cu tin panelnan solar. Tin e diferente scolnan y tur esey ta parti di e strategia pa bira mas sostenibel pa usa mas fuente di energia sostenibel den produccion di energia.
Dongen ta sigui splica cu sesion informativo di diahuebs, 19 di Juli, pa 7’or di anochi na Centro di Bario Lago Heights, ta bay duna tur esnan cu ta interesa un splicacion di kico tur e parkenan ta encera y kico ta e impacto di e energia solar riba produccion di energia, riba comunidad y riba nos medio ambiente.
Resultado
Dongen ta sigui splica cu no solamente bon pa WEB, sino tambe pa produccion, bon pa tene e impacto cu e tin riba e medio ambiente. Zowiezo e tin impacto riba nan propio produccion, tur esey ta positivo. Pesey ta haci’e tambe. Pero durante e sesion di dia 19 di Juli, lo splica un ke otro con e ta traha, kico bo por spera den futuro y si bo tin pregunta, vooral tambe, WEB tey pa contesta tur pregunta.
Mas proyecto
Tin mas proyecto cu ta keda den evaluacion. Si e tin un impacto positivo e ora sigur e ta algo pa sigui cun’e.
Bon pa pueblo tey
Si bo ta interesa den energia solar, pero tambe vooral den con full e sistema ta traha, ki impacto e tin riba produccion. WEB ta produci energia pero tambe nan tin e energia di biento, nan tin energia di solo. Tur esey ta e progreso cu tin segun e añanan y den nan strategia pa baha tur e emisionnan cu ta malo pa medio ambiente Asja Dongen a termina bisando.
