Servicio Meteorologico di Aruba (Meteo) ta informa cu awenochi tempo lo ta parcialmente nubla y generalmente seco. Den oranan di marduga y diadomingo, tempo lo ta parcialmente nubla cu chens pa un poco awasero local. Temperatura maximo lo ta di 33 grado celsius y temperatura minimo lo ta 27 grado celsius. Solo lo baha awenochi pa 7:08pm y lo sali mañan mainta 06:16am. E alerta pa biento fuerte y lama bastante bruto ta na vigor.
Biento:
Biento lo ta modera te fuerte for di generalmente direccion oost, cu forsa 4 te 6 (20 te 50 km/ora, 11 te 27 nudo). Den dia duro te posiblemente hopi duro den rafaga cu forsa 6 te 8 (51 te 64 km/ora, 28 te 35 nudo)
Situacion general di tempo:
Den e proximo 24 oranan, humedad laga atras pa un Ola Tropical lo por desaroya poco awasero local riba e isla. Un otro ola tropical situa den parti extremo oost di Caribe lo pasa den region local bayendo west den curso di diadomingo pa dialuna. Esaki lo haci e chens pa awasero bira mas grandi.
Condicion di lama:
Olanan di lama lo ta for di direccion oost cu haltura di 5 te 8 pia. E olanan di mas halto lo ta na costanan oost, noordoost te noordwest di nos isla. Ta suplica operadornan di boto chikito pa tene esaki na cuenta.
Pronostico di tempo pa comienso di siman:
Parcialmente nubla cu poco awasero. Biento lo ta for di direccion oost y modera te basta fuerte. Den dia e lo ta fuerte te hopi duro den rafaga. Temperatura max / min lo ta: 33/27
