Diadomingo di Rama ta e porta cu ta habri e siman santo

328
Cumpra Lotto Online
E Hefe DMAX
RBC Mortage
CMB – Mobile Banking Nobo

Dia 25 di Maart ta Diadomingo di Rama. Segun pader Daniel Szpila di parokia di Dakota, Diadomingo di Rama ta basa riba e relato biblico di Santo Evangelio di entrada di nos Señor na Jerusalem. Señor ta tuma un burico, sinta riba dje y humildemente, manera un sirbidor. E burico tabata un bestia di hende humilde, un bestia di sirbidor, drenta den Jerusalem. Pero su entrada ta bira un entrada glorioso practicamente, pasobra multitud inspira pa spirito di Dios ta ricibi’e cu hopi entusiasmo. Cantidad di hende ta kita nan paña, ta pone riba caminda pa Señor por tin manera un tapijt di honor pa e por drenta manera Rey. Hende a corda tur e milagernan, tur misericordia, tur e bondadnan cu Señor a haci pa nan. Nan ta sali na encuentro di Señor, dunando un bon bini manera pa un Rey. Realmente Señor ta Rey di Universo, pero su reino ta, manera e mes a bisa, no di e mundo aki.

dia di tata garage cordia
DHL – Bogota

Diadomingo awor ta Diadomingo di Rama

Posted by 24ora on Monday, March 12, 2018

Tambe nan ta corta e ramanan di palo y cu e ramanan na man, nan ta grita Hosana, Rey di David. Bon bini, abo ta nos Rey, abo ta Rey di David. E Rey cu nos a spera, e Mesias cu nos a spera. Di e forma aki, na un manera hopi solem, Señor ta drenta Jerusalem. Ningun di e hendenan ey, tabata sospecha cu e ta drentando Jerusalem pa e haci e sacrificio di su mes. El a ofrece su mes como sacrificio di reconciliacion, como sacrificio di pordon, pa nos picanan. E tabata na altura por supuesto. Esey tabata su ora. Su ora tabata yega. E tabata adverti su apostelnan constantemente. “Nos ta drentando Jerusalem. Awo yiu di Dios lo keda entrega den man di paganonan, gran sacerdotenan. Nan lo conden’e, nan lo crucifuk’e y despues di tres dia e lo recusita.”

E entrada pa Jerusalem, e entrada solem di Señor, ta pa e dianan di entrega di nos Señor. Esey ta e porta cu ta habri e siman santo. Y e dianan di sacrificio, di pasion di nos Salvador.

Diaranson lo celebra hunto cu obispo e misa di Santo Crisma, cual obispo lo bendiciona e azetanan cu lo administra despues den sacramentonan di bautismo, di confirmacion, di santa oleo y diahuebs lo celebra e ultimo cena di Señor.

Diahuebs ta e cena den cual Señor ta institui e Eucaristia, den cual e ta haci pan bira su curpa y biña bira su sanger. Despues ta drenta den hofi di Olijfi pa enfrenta directamente e traicion di Hudas pa ser entrega den man di e gran sacerdotenan y consecuentemente den e huicio.

Diabierna, e dia cual e ta keda condena, cual e ta tuma e cruz, e ta carga su cruz, keda crucifica y ta entrega su bida pa nos salbacion. Tata Pordona nan, pasobra nan no sa kico nan ta haci.

E dia ey tambe ta entrega nos locual tabata lo mas precioso p’e, esta su mama. Ta bisa: “Señora, ata bo yiu eynan, yiu ata bo mama.” Un testamento maraviyoso cu Salvador ta laga pa nos.

Despues ta bin diasabra, e dia den cual iglesia ta den silencio pasobra su Rey ta drumi. Ta un dia di luto, un dia di meditacion. Pero un dia tambe den cual cu ta sperando anciosamente e momento den cual e anochi ta bira e dia, scuridad ta transforma den luz y morto den bida.

Henter dia di diasabra, den silencio, den reflexion, pero anochi di diasabra, ya nos ta celebra e resureccion di Señor pa drenta despues Pasco Grandi, continuando e celebracion aki.

Diadomingo di rama, e porta ta habri pa e siman santo, siman di salbacion, siman di pasion, di sufrimento y di resureccion di nos Señor.

Comments

comments

Dragon Fly
Score cu Gillete