Diasabra, dia 11 di Augustus lo bay tin e di tres evento di Motocross di aña cuminsando di 10’or di mainta pa 6’or di atardi na Grapefield. Tur edad ta bon bini pa participa. Lo ta sperando cantidad di Dirtbikes y ATV’s.
Bin join y sostene HDMX y FPV Aruba gratis. Competencianan di Motocross y Quadracers ta cuminsa pa 12’or di merdia, wheelie contest lo cuminsa pa 4’or di atardi y Drone Racing lo cuminsa pa 5’or. Bin sostene e deporte di MX y Drone Madness.
Bo kier participa na e caredanan MX, tuma contacto riba pagina di Facebook di niceandgroovy. Inscripcion ta un contribucion di 35 florin.
Wheelie contest
Si bo ta interesa den competi den e reto di e deporte mas slow y mas controlabel di e dia, bo ta up to the challenge, bin inscribi pa premionan grandi. Pa inscribi bo ta djis contribui cu 10 florin. Pa mas informacion y pa participacion, bay riba nan pagina di facebook.
Programa pa diasabra
E competencia di diasabra ta sigur un dia pa celebra e ‘bike life’. Lo bay tin premio, entretenimento, cuminda, bebida y hopi mas.
Hero Bieu lo ta biniendo cu e bikenan oldschool. Motocross y Quad racers lo cuminsa pa 12’or.
Chito Willems for di Corsou y Georgemare Kelkboom for di Aruba lo bay bin cu un freestyle show cuminsando pa 4’or di atardi y despues lo bay tin wheelie contest pa tanto quad y dirtbike.
Por ultimo FPV Aruba lo caba e dia cu Drone Racing cu lo cuminsa pa 5’or, manera ya anuncia.
Bin y sostene e deporte y tur e competidornan.
