Di dos siman torneo di waterpolo interno di Orca

Den e grupo di U10, e tim di Orca Right Fin (Coach Radjinder Angelica) a gana su di dos wega 3 pa 2 di e tim di Orca Left Fin (coach Mayron Hermanus).

Orca Right Fin a Sali kampion di e torneo interno di Orca Waterpolo den su kategoria. Pa treinen, e di tres (3) wega lo wòrdu hunga, djasabra 23 di yüni.

Den e grupo di U12 kombiná ku U14, e tim di Orca Belly (Coach Steven Louisa) a gana 12 pa 3 di e tim Orca Back (coach Vernon Toré). Orca Belly tin un wega empatá i un gana di Orca Back.

Den e grupo U14 kombiná ku U16, e tim di Orca Dorsal (coach J. Paulo) a gana 10 pa 9 di e tim di Orca Tail (coach Lindy Brown). Nan ta empatá na un (1) wega gana.

Den e grupo di U19 kombiná ku Señor, e tim di Big Orca (coach Steven Louisa) a gana 15 pa 10  di e tim di Massive Orca (Coach Echently Lourense). Nan ta empatá na un (1) wega gana.

Djasabra 23 di yüni 2018 tin e weganan final di tur kategoria. For di 10.30 di mainta e promé wega ta kuminsá, e di dos wega ta 12.00 (aki ta hunga dos (2) wega simultaniamente) i e último wega ta keda hunga 13.30. durashon di kada wega ta mas òf ménos un (1) ora.

Direktiva ke gradisí i yama danki na e atletanan, mayornan, coachnan i tur boluntario ku ta yuda engrandesé e deporte di waterpolo na Kòrsou

Direktiva di Orca ta ekstendé un invitashon na e pueblo di Kòrsou pa bin wak weganan di waterpolo,

Pa mas informashon, tokante di Swim Club Orca Curaçao,  por yama na telefon 529 6586

Sperando di a informá e pueblo di Kòrsou sufisientemente,