Detenshon di un sospechoso i arma di kandela konfiská

Djamars 20 mart 2018, alrededor di 12.05 or, e Tim di Mantenshon di òrdu Públiko durante
di patruya den área di Steenrijk a duna shofùr di un Kia Sportage òrdu pa para su vehíkulo.

Esaki no a duna oido na e òrdu aki i a sigui kore. Einan e patruya a start un pèrsekushon tras
di e vehíkulo aki. Na altura di e santana na Pietermaai e shofùr di a Kia a baha for di e outo
ku un tas den su man i kore bai na pia lagando e outo atras. Mesora polisnan di e tim a
kuminsá ku un pèrsekushon na pia tras di e shofùr aki. Durante su huida e shofùr a tira e tas
ku e tabatin huntu kun’é den santana. Polis a alkansá e shofùr i a detené. Despues di su
detenshon polis a bai den santana i a haña e tas ku e sospechoso a tirá afo durante su
huida. Den e tas polis a haña i konfiská un pistol marka Glock ku un kashi ku dieshete (17)
bala skèrpi i tambe un kashi di bala ku trinta (30) bala skèrpi.

A presentá e shofùr sospechoso aki, G.R.d.L.R. nasé na Venezuela di 30 aña di edat dilanti
di un Fiskal Ouksiliar ku a ordená su enkarselashon pa mas investigashon.
Despues di detenshon di e sospechoso polis a tene un entrada hudisial na su kas den área di
saliña. Na kas di e sospechoso polis a haña i konfiská un pakete di droga(mariwana) di pèrs,
un kantidat di bala skèrpi mas i atributonan pa prepará droga.