Djabièrnè 19 yanüari 2018, alrededor di 03.13 or, Sentral di Polis a haña notifikashon di un kaso di bringamentu i maltrato den área di Gosieweg.
Mesora sentral di polis a dirigí un patruya na e sitio. For di un investigashon preliminar ku polis a hasi na e sitio a resultá ku sinku (5) hòmber tabata den outo. Dado momentu a start un diskushon entre dos di e hombernan aki ku a bira un bringamentu i terminá den un maltrato kaminda un di e hòmbernan aki a maltratá e otro ku un bòter na su kabes.
Un di e hòmbernan a haña un kap na su kabes. Mester a transportá e víktima ku ambulans pa SEHOS pa tratamentu médiko.
Den e área polis a detené tur 5 sospechoso. Dos(2) di e sospechosonan a haña nan libertat despues di interosashon. Un(1) di e hòmbernan no tabatin e dokumentonan nesesario pa e permanesé riba nos isla i a keda será pendiente su deportashon. E sobrá dos(2) hòmbernan, B.de.J.S.G. nasé na Colombia, 24 aña di edat i J.E.N.Q. nasé na Colombia, 36
aña di edat a keda detené.
A presentá e sospechosonan dilanti un Fiskal Ouksiliar ku a ordená nan enkarselamentu pendiente di mas investigashon.
