Desiree Croes di AVP durante e conferencia di prensa, a comenta riba Endy Croes, parlamentario di MEP cu a ataca su persona y su casa. Su casa no ta politico, pero na e momento cu el a drenta den su bida, ta mescos cu ta politico el a bira tambe y a wordo lastra tur e añanan aki, 7 aña largo, links y rechts.
A yam’e pa delaster sorto di cos y awe atrobe a bisa cu e lo a haci un wereldtour cu placa di pueblo. Esaki no ta e caso. Aki el a splica cu nunca el a biaha cu placa di Lotto. Ademas el a traha na Parlamento tur tempo ey. Un biaha mas nan ta sigui cu nan mentiranan y segun Croes, awor aki si a yega tempo, tanto su casa, y Croes mes, no ta parti di fraccion di AVP den parlamento. Mester mira bon kico ta haciendo, con hopi ta dañando nan nomber pa hopi tempo caba y mester cuminsa evalua si kier bay corte pa trek esaki recht, vooral si bo ta pensa cu e ta bin for di un persona manera Endy Croes, conoci ladron den nos comunidad y un sin berguensa y Croes ta ripiti esaki ki ora cu ta. Cu a haci tur locual cu e kier a haci y ta kere cu e ta e porco sushi cu ta busca cura limpi pa frega su curpa riba dje. E biaha aki si e ta dal su dede bon duro mes.
