Friday, 24 October 2014
RC Cola Indians ta derota Defenders mientras Pizza Hut Monster ta gana Mio Athletics Print E-mail
Sunday, 25 August 2013 13:36

RC Cola doblando tercera vs Defenders

Diabierna ultimo playoff den categoria A-Klas a na Enrique Arcaya y Eddy Becker a inicia riba veld di Kudawecha. Den e promer partido di un best out of three entre RC Cola vs Defenders e muchanan di Juancho y Jacky esta RC Cola Indians ta pika dilanti den serie ganando e wega cu score di 10-7. RC Cola Indians 10 careda, 8 hit, 3 error. Defenders 7 careda, 7 hit, 4 error.

Erick “Pabuchi” Irausquin ta releva Andresito Maduro y ta resulta pitcher ganador. Jorge Santana ta bay henter e wega pero mester conforma su mes cu e derota. Mihor bateadornan pa RC Cola Indians ta Egimar Lampe 2-2, Sando Geerman 3-3, Nathan Berkel 3-2 y Sidney Boekhoudt 2-1. Pa defenders a destaca na plato Wilmer Perez 2-2, Jose Baez y Albert Croes ambos di 3-2. Den e di dos wega di anochi entre Pizza Hut Monster vs Mio Athletics number 1 vs number 2 di cameponato , Pizza Hut Monster a baha fuerte riba Mio derotando Mio Athletics por medio di knockout cu score di 12-2. Richinell Matos a cubri henter e ruta pa bira e pitcher ganador. Giancarlo Gomez ta perde e partido. Mihor bateadornan pa Pizza Hut Monster ta Angelo Webb y Jonathan Tromp di 3-3, Giancarlo Donata 2-2, Joshua Wever 1-1 y Richinell Matos 3-2 aportando na su propio causa. Pa Mio Athletics Dwight Feliciano a bay di 2-1 y Jomark Flanegin di 3-1 cual porcierto tabata e unico dos imparablenan pa Mio Athletics. Weganan ta continua dialuna awor 26 di augustus unda Defenders lo enfrenta RC Cola Indians den nan di dos wega di playofgf pa 715pm na Kudawecha mientras cu pa 9pm Quisqueya lo enfrenta Chill. Diamars 27 di Augustus pa 715pm Mio Athletics lo enfrenta Pizza Hut Monster den nan di dos wega di best out of three y pa 9pm den categoria AA Montanja Braves lo midi forsa contra Macuarima Indians. Fanaticada di softball fastpitch playoff ta den pleno acion y bo ta keda cordialmente invita pa bin apoya bo equipo prefer.

album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter