Sunday, 23 November 2014
Na caminda pa Weganan Suramericano Hubenil 2013 Print E-mail
Friday, 23 August 2013 14:39
Comparti
DSC_2063
Pa prome biaha den historia cu e Weganan Suramericano Hubenil 2013 lo ser organisa, caminda e ciudad di Lima Peru, lo ta e anfitrion di e magno evento deportivo aki. Atletanan di henter e continente suramericano den e edad te cu 18 aña lo bini hunto y competi den diferente ramo di deporte.

Atletanan di Aruba den 9 diferente ramo di deporte ta den pleno preparacion pa cu dicho weganan. Pa e motibo aki, Comite Olimpico Arubano kier introduci nos atletanan cu lo representa Aruba na e Weganan Suramericano Hubenil 2013.

Conoce e atleta den e deporte di BMX : Aschwin Dabian

COA: Dicon bo a scohe pa e deporte di ciclismo BMX?

AD: Mi tin 11 aña ta practica e deporte di BMX, mi a scohe pa e deporte aki pa motibo cu mi a purba tur sorto di sport pero niun no a pas cumi. Cu tres aña mi a cuminsa core bais, unda dia mi tata a hibami bike cross, eynan mi a cuminsa core BMX, mi a bira cada dia mihor y awe mi ta akinan.

COA: Conta nos dibo preparacion pa e Weganan Suramericano Hubenil?

AD: Nos ta entrenando tur dia, tanto den e parti fisico como mental. Train parti mainta y despues atardi atrobe. E parti mental nos ta haci riba nos mes, esta hunto cu nos entrenador, unda nos ta hinka den nos cabes cu nos ta e mihornan, a base di nos nivel di preparacion y tambe a base di e experiencia competitive cu nos tini .

COA: Conta nos un poco dib o experiencianan internacional?

AD: Mi ta orguyoso di por a logra varios titulo y bon resultado den BMX. Mi a yega di logra varios trofeo y un puesto como number tres di mundo den mi categoria. Mi tin hopi experiencia pero tur biaha cubo bai bo ta siña algo nobo di e deporte, pues e ta dificil ainda.

COA: E expectativanan pa cu Weganan Suramericano Hubenil ta halto, kiko nos por spera di e atleta Aschwin?  

AD: Na Peru nos ta spera di yega den e prome tres posicionnan, oro, plata of brons. Nos tur ta bai cu e mentalidad di gana, nos no ta buscando otro cos.

COA: Kiko e ta pa Aschwin representa Aruba den un careda internacional ?

AD: Mi ta sintimi hopi orguyoso di representa Aruba, nos ta un pais chikito, nos como atleta tin cu haci cosnan grandi den paisnan grandi.

COA: Un mensahe pa nos hubentud?

dowers dowers  

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter