Monday, 22 September 2014
Na caminda pa Weganan Suramericano Hubenil 2013 Print E-mail
Friday, 23 August 2013 14:35
DSC_2063
Pa prome biaha den historia cu e Weganan Suramericano Hubenil 2013 lo ser organisa, caminda e ciudad di Lima Peru, lo ta e anfitrion di e magno evento deportivo aki. Atletanan di henter e continente suramericano den e edad te cu 18 aña lo bini hunto y competi den diferente ramo di deporte.

Atletanan di Aruba den 9 diferente ramo di deporte ta den pleno preparacion pa cu dicho weganan. Pa e motibo aki, Comite Olimpico Arubano kier introduci nos atletanan cu lo representa Aruba na e Weganan Suramericano Hubenil 2013.

Conoce e atleta den e deporte di boxeo: Guillermo Kelkboom

COA: Cuanto tempo bo tin ta practica e deporte di boxeo?

GK: Awor aki mi tin un aña y mei ta practica e deporte, mi a siña masha hopi mes.

COA: Conta nos dibo preparacion pa e Weganan Suramericano Hubenil?

GK: Awor aki mi ta bayendo Colombia pa entrenamento pa asina mi prepara pa Peru. Mi ta sinti cu e campamento di entrenamento na Colombia lo yudami masha hopi mes. Na Aruba mi tin varios pelea bringa wardando algun pa bringa den exterior. Mi lo bai pa binti y tres dia Colombia unda nos lo entrena na e nivel di mas halto pa loke ta condicion y e tecnicanan di boxeo mes.

COA: E expectativanan pa cu Weganan Suramericano Hubenil ta halto, kiko nos por spera di e atleta Guillermo?  

GK: Mi ta spera cumi por logra yega leu y saca cara di Aruba

COA: Con leu Guilllermo kier yega cu e deporte di boxeo?

GK: Mi kier yega leu cu e deporte, unda hendenan lo wak mi riba television y cu Aruba ta apoyami masalmente.

COA: Un mensahe pa nos hubentud?

GK: Drenta den un deporte, e ta sano, e ta halabo for di e mal caminda y e ta percura bo bai den e bon direccion. Manera boxeo ta siña mi hopi disciplina, mi ta entrena tur dia, mi no mag di yega lat.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter