Sunday, 21 September 2014
Dirigente deportivo di Hapon Masato Mizuno di bishita na Aruba Print E-mail
Monday, 12 August 2013 09:57

cu Gobernador Refunjol

E ta un di e herederonan di e consorcio mundial di marca deportivo Mizuno. Den e Movimento Olimpico e tabata Vice Presidente di Comite Olimpico Hapones, pero den actualidad e ta Presidente di e Comite di Candidatura pa e ciudad di Tokyo cu ta aspira di organisa e Weganan Olimpico na aña 2020.

E siman aki e dirigente deportivo internacional Masato Mizuno tabata di bishita na nos isla, caminda ela wordo acompaña pa Nicole Hoevertsz, Miembro di Comite Olimpico Internacional. Iniciando su programa oficial, Masato Mizuno a hasi un bishita di cortesia na Su Excelencia Gobernador di Aruba, señor Fredis Refunjol, su mes un deportista activo y amante di deporte. Como practicante di e deporte di softball y volleyball, sr. Refunjol ta bon conoci cu e productonan Mizuno y a ricibi Masato Mizuno na su despacho pa conoce mas di cerca e plannan di Tokyo pa organisa e Weganan Olimpico na aña 2020. Tokyo, hunto cu Madrid (España) y Istanbul (Turkiya) ta e tres ciudadnan candidato pa organisa e Weganan Olimpico na 2020. Miembronan di Comite Olimpico Internacional ta dicidi na september próximo cua ciudad lo gana e derecho di organisa e Weganan Olimpico na 2020. Despues a sigui un bishita di cortesía na Su Excelencia Minister Benny Sevinger, den su calidad di Minister Interino di Deporte, pero tambe como Minister encarga cu Infrastructura den e Gabinete Mike Eman. Ela wordo informa pa Masato Mizuno kiko tur preparación di un evento Olimpico ta ensera. Colega ministernan Mike de Meza, Michelle Hooyboer-Winklaar y Otmar Oduber tambe a sera conoci cu sr. Masato Mizuno y a gradici’e pa su bishita na nos isla. A sigui despues un encuentro cu dirigente y miembronan di staff di Comite Olimpico Arubano, cu naturalmente a provecha di e presencia di un dirigente internacional di e taya aki pa hasi un gran cantidad di pregunta y tambe pa siña di su experticio. Como parti di e bishita di dos dia na nos isla, a ofrece un recorrido di nos isla, pa asina Masato Mizuno por a disfruta di e beyesa natural y unico di nos pais. Sr. Mizuno tabata sumamente agradeci pa e atención brinda y e cariño cu cua ela wordo ricibi y acompaña aki na Aruba. Riba e portretnan cu ta acompaña e articulo aki, por mira algun impresión di e bishita di Masato Mizuno di Hapon na nos isla.

album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter