Thursday, 31 July 2014
Brazil Taekwondo Stichting a scohe e 5 atletanan cu ta bay participa na e campeonato T5 na Curacao Print E-mail
Sunday, 11 August 2013 16:49
taekwondo t5
Manera a menciona siman pasa cu lo scohe e 5 atletanan pa e campeonato T5 cu ta bay tuma lugar na Curacao dia 26 di October 2013. Durante di e siman cu Russell Beneby aki na Aruba, a fluister den su orea pa tene cuenta cu 5 atleta cu nos kier pa bay Curacao pa participa na e campeonato T5.
 
Clifford Rasmijn kende ta un di e coachnan tambe a train e siman aki hunto cu e atletanan y a miranan mas di cerca pa asina sa kende tur lo scohe y na base di kiko. Asina e training di Russell Beneby a sigui te cu diasabra y Alberto Klabér a entrega un formulario na Clifford Rasmijn, Russell Beneby y Alberto Klabér mes y nan a yena e nomber di e 5 atletanan ariba e formulario hunto cu un comentario di e atletanan y na base di kiko a scohenan pa asina nan bay participa na e campeonato T5 y representa Aruba aya na Curacao.
 
Jeritza Arends miembro di Brazil Taekwondo Stichting kende tabata presente e siman aki pa mira e atletanan train a haya e 3 formularionan den su man pa asina lesa e escohencia di Russell Beneby, Clifford Rasmijn y Alberto Klabér y tur 3 a vota pa e siguiente atletanan.
 
Team Aruba pa e T5 na Curacao October 25-27 2013.
1.Rasheed Lowe di Brazil Taekwondo Stichting.
2.Hakeem Lowe di Brazil Taekwondo Stichting.
3.Justin Arrindell di Brazil Taekwondo Stichting. 
4.Cleff Dede di San Nicolas Taekwondo Center.
5.Jonathan Baez di Noord Taekwondo Center.
 
 
Manera cu Alberto Klabér a menciona na varios ocasion cu e kier gana e copa na Curacao y kier bay cu e mihor team posibel. Den e caso aki a scohe e team cu ta bay sigui train duro pa asina ta bon representa na Curacao cu e team di Aruba.
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter