Wednesday, 26 November 2014
Russell Beneby a duna su ultimo training na e atletanan di Taekwondo Print E-mail
Sunday, 11 August 2013 16:22
Comparti

front

Russell Beneby kende a bin Aruba cu un plan y un meta a cumpli cu esaki diasabra merdia. Russell Beneby a completa full su programa cu e tabata tin pa e atletanan di Aruba. Despues di e ultimo training Russell Beneby a splica e atletanan tocante di e plan cu e tin pa nan y kiko tur e ta spera for di nan ora cu e bin Aruba pa duna e siguiente training.

Despues di a papia cu e atletanan Russell Beneby a haci entrega di un certificado na tur esnan presente cu a participa na su training for di dialuna pa diasabra na unda cu a train 2 biaha pa dia mainta y atardi. E atletanan ariba nan mes por wak atras ariba un progreso despues di e training di Russel Beneby for di e dialuna te cu e diasabra. E plan y idea ta pa sigui cu e mesun manera di training di Russel Beneby y Clifford Rasmijn lo sigui train e muchanan di Brazil Taekwondo Stichting. E atletanan ariba nan mes tabata hopi contento cu nan certificado y di por a train cu Russell Beneby na unda cu sigur nan a sinja masha hopi mes for di dje. Dialuna les di Taekwondo ta sigui na Brazil Taekwondo Stichting pa 5'or di atardi y ta bay sigui prepara pa e siguiente campeonato cu lo bay ta dia 14 di September na Centro di Bario Brazil.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter