Sunday, 21 September 2014
The Giants Baseball Organization cu tremendo Family Day na Rancho Daimari Print E-mail
Thursday, 04 July 2013 11:41
DSC_2063
E organisacion di Baseball cu ta consisti di varios teamnan a tene un dia fabuloso pa su miembronan, cu ta e hungadornan y e majornan na Rancho Daimari riba diadomingo cu a pasa. Despues di cada campeonato exitoso semper e organisacion ta organisa un evento pa trece hunto tur e muchanan y nan famia durante un actividad pa famia.

E anja aki Rancho Daimari cu ta un lugar ferfecto pa un dia di famia ofreciendo diferente actividad den un dushi ambiente di naturalesa a wordo escohi pa e family day di Giants.   

E campeonato pasa den Little League, e muchanan di Benjamin Security 11-12 a sa di trese e di 4 titulo di campeon consecutivo pa e organisacion di Giants. Den categoria Junior tambe e equipo di Benjamin Security Purple maneha pa Sr. Carlos Thiel a trese e titulo campeon pa Giants.

Den e categoria mas chikito di 5-6, directiva a hasi cambio di maneho y awor e team nobo aki lo ta bow di maneho di Sr. Reangelo Koolman, cu ya ta trahando fuertemente pa e proximo campeonato sinjando muchanan chiquito e basics di baseball. E team aki lo ta hungando bow di nomber di Giants Kool-aid den e próximo campeonato di ABBA cu ta start na Augustus.

Den categoria 7-8, e team bow di maneho di Sr. Danilo Croes y Sr. Ryan Maduro a hasi un tremendo preparacion di e muchanan cu lo un di e fuertenan pa campeonato 2013-2014 di ABBA, mirando cu e team aki lo keda casi intacto pa e proximo campeonato den su constelacion di hungadornan di e team. Nan lo ta hungando bao di e nomber di Giants Oreo pa e próximo campeonato.

E categoria di 9-10 no ta keda atras y aki tambe e compromiso a wordo confirma y e manager Sr. Elias "Eli" Kock ta bai duna lo maximo pa trese tambe un titulo pa e organisacion aki di Giants. Nan lo ta hungando bow di nomber di Giants Choq.

E family day tawata un exito rotondo na unda e hungandornan y nan famia a bin hunto pa pasa un dia ameno disfrutando di facilidadnan di Rancho Daimari manera un solo famia. Un danki ta bay na propetario y gerencia di Rancho Daimari cu a pone e rancho disponible pa e actividad di Giants y tambe na Giants su main sponsor pa e proximo anjanan COMPRA LTD cu a kere den e organisacion di Giants y a coopera cu su productonan dushi di Tang, Oreo, Choq, Kool-aid, Chips Ahoy y Frisian Flag.

dowers dowers dowers
dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter