Thursday, 18 December 2014
Presidente Colombiano lo dirigi e delegacion di Medellin pa vota pa e Weganan Olimpico Hubenil di Verano pa 2018 Print E-mail
Thursday, 04 July 2013 09:17
Comparti
DSC_2063
E importancia pa Colombia ta anfitrion di e weganan  Olimpico Hubenil di Verano 2018 ta keda ilustra aki na Lausanne diahuebs caminda cu e presidente di e pais esta Juan Manuel Santos lo dirigi e delegacion pa e presentacion final y votacion.

Santos, kende a keda eligi como presidente na anja 2010, lo keda dos dia na e ciudad aki pa prepara hunto cu e resto di e equipo y lo dirigi su mes na International Olympic Committee (IOC)na su Sesion Extraordinario na e Beaulieu aki na Lausanne.

E lo ser acompania pa e alcalde di Medellin, Anibal Gaviria Correa, como tambe pa Andres Botero Phillipsbourne, kende ta ministro di deporte di Colombia cu alabes ta miembro di IOC, nan lo delinea e vision di e ciudad di Medellin.

Medellin a resulta di ta un di e favoritonan pa risibi e evento aki, cu lo wordo organisa pa di tres biaha desde e lansamento di e Weganan Olimpico Hubenil di Verano na Singapore na anja 2010, pero nan lo tin cu enfrenta Glasgow hunto cu Buenos Aires, cu ta ser considera e outsiders.

E decision lo wordo anuncia pa 3.55 pm riba diahuebs. 

"E Weganan Olimpico Hubenil lo representa e evento internacional di mas grandi y mas importante den historia di mi pais y lo haci un impacto tanto riba e Republica di Colombia como riba e ciudad di Medellin cu no por ser balota/ understated," Santos a bisa.

"Nos ta comprometi pa haci e sonjo aki bira realidad.

"Ta un honor pa dirigi e equipo di Medellin na Lausanne y splica e impacto cu e Weganan lo tin riba Colombia y na e lidernan di e Movimento Olimpico.

"Medellin ta un ehempel bibo di e poder di deporte y di e impacto riba e bida di e hende hobennan y di e idealnan Olimpico cu su balornan positivo cu ta inspira generacionnan.

"E ta e combinacion ideal pa e Weganan Olimpico Hubenil."

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter