Tuesday, 29 July 2014
AAWA: Jennifer Piter y Ulrich Hoek ta Clasifica pa Weganan Centro y Panamericano den Hisamento di Peso. Print E-mail
Wednesday, 03 July 2013 20:39

front

Den e di XXIII Campeonato Panamericano de Mayores de Levantamiento de pesas cu a wordo teni na Isla de Mararita, Venezuela for di 23 pa 30 juni 2013, Den e campeonato aki a participa 23 pais. Aruba ta logra clasifica cu dos atleta pa e Weganan Centroamericano 2014 cu ta wordo teni na Mexico y Panamericanoa 2015 cu ta tuma lugar na Canada.

Pa Aruba a participa e atleta Jennifer Piter cu a hisa den categoria di 58kg ta logra den snatch 70kg, clean & jerk 88kg pa un total di 158kg. cu e hisadanan aki Jennifer ta logra kibra 3 record di Aruba y ta progresa cu 10kg. Den e categoria di 58kg tabata tin 17 atleta aki Jennifer ta sali na di 5 lugar den pais nan Centroamericano y den paisnan Panamericano ta sali na di 13 lugar. Otro atleta di Aruba tabata Ulrich Hoek cu a hisa den categoria di 105kg. den e categoria aki tabata tin 18 atleta. Ulrich ta logra hisa den snatch 122kg, clean & jerk 154 y total 276kg. Ulrich ta logra kibra su record personal cu 12kg. Cu e total aki e ta termina na di 8 lugar den paisnan Centroamericano y 16 lugar den paisnan Panamericano. Na final di e campeonato nan a ricibi e grato noticia for di Federacion Panamericano de Levantamiento de Pesas cu pais Aruba a clasifica cu tur dos atleta pa e Weganan Centroamericano y Panamericano. Cu tur dos atleta a cai den e standar di clasificacion. Esaki ta un noticia hopi positivo pa nos deporte di hisamento di peso aki na Aruba. Aruba Amateur Weightlifting Association ta gradici Sport Subsidie Commissie cu a haci e biahe posibel y tambe Comishon Tecnico, CEMEDAR di Comite Olimpico Arubano cu a haci un bon trabow cu e dos atletanan. Tambe ta manda palabra di pabien na e dos atletanan Jennifer y Ulrich cu a clasifica pa e Weganan Centro y Panamericano y Herve Ruiz cu haci un tremendo trabow como coach. Riba e potretnan por wak nos atletanan den accion na Isla de Margarita.

gallery1 gallery1 gallery1
gallery1 gallery1 gallery1
gallery1   

Comentarionan (1)Add Comment
Runner
July 04, 2013
201.229.44.161
Votes: +1
...

Keep it up!!! Sigui asina!! Pabien!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter