Wednesday, 23 April 2014
3 medaya mas pa Aruba Ally Ponson prome dama campeon sur americano di Aruba Print E-mail
Sunday, 17 March 2013 09:30

 Front coach y ponson

E di tres anochi no por tabata miho, ora cu Ally y Gaby Ponson a subi e startbloknan na Chile, cla pa demostra e otro 6 landandonan di Sur America, cu den e evento di 50m Free, nan no ta haci wega y esey ta nan evento den Caribe y awo den Sur America tambe.

Na final di un careda di menos di 28 seconde, Aruba ta logra bay cu DOS medaya, Ally cu medaya di ORO, logrando asina e titulo di CAMPEON SUR AMERICANO y Gaby Ponson ta logra su di dos medaya di BRONS. Un momento historico, mirando 2 ruman riba podium pa ricibi medaya y dos bandera di Aruba bay laira, compaña pa nos himno,na mesun momento, entre tur e paisnan di Sur America.

Pero e euforia no a keda te eynan, ya cu Tyreke Wernet, tambe a sali tur cu tin y demostra cu apesar Aruba ta chikito, tin potencia y hopi. Cu e actitud di ganado, Tyreke a enfrenta e 7 landadonan, logrando su medaya di BRONS y cu un tempo excepcional.

Pa finalisa e anochi, Jordy Groters ta landa un tremendo tempo di 2:21.67 den su evento di 200m Breaststroke, logrando di 6 luga. E tempo aki ta un Record Arubano y Record Personal di Jordy y tambe e ta bira e prome atleta pa clasifica pa Youth Olympics na Nanjing 2014. Sin duda, un logro excepcional pa e atleta y pais Aruba.

Awe ta e ultimo dia di competencia y nan logronan ya caba ta algo espectacular y historico, mirando cu 2 aña pasa, ta solamente 2 medaya di BRONS a logra. Nos ta sigur cu awe lo tin mas sorpresa na caminda. HOPI EXITO na e atletanan cu ta competiendo caba awo mainta pa clasifica pa anochi. 

album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter