Friday, 31 October 2014
RCA ta propina Dakota su di dos derota sigui den futbol Mayor Print E-mail
Friday, 15 March 2013 17:30

Front IMG 3658
Liga Hubenil di AVB presenta pa Gatorade, e bebida di nos futbolistanan hoben a conoce un otro wega emocionante. Despues di a pasa casi henter e prome y di dos rond invicto sin perde un partido e amariyonan di Dakota a manera perde e sentimento triunfador. Pa dos siman largo nan mester a bishita equiponan fuerte den Britannia y RCA.

Siman pasa e muchanan di Dakota a mira nan invicto cai na awa ora nan ta bin perde den un wega cu shete gol y yena cu emocion for di e pumanan di Piedra Plat esta Britannia. Den e wega ey Dakota tabata atras cu diferencia di tres gol pero ta bini bek bon pero alo largo no por a empata y ta bin perde 4 - 3.

Diaranzon anochi nan Dakota tabata di bishita na Solito unda a topa cu e rivalnan eterno cu ta RCA. Mester bisa cu e wega a ser dirigi pa arbitro Toppenberg kende tabata riba cada hugada. Nos por a mira den e prome tempo un elenco di RCA bon planta riba tereno, tocando e bala bon y hayando bon chens pa anota gol. Dakota di otro banda tabata purba cu bala largo tratando asina na usa e velocidad riba e defensa di RCA, pero aki sin mucho exito. Dado momento RCA ta bai ariba 1 - 0 cu un tiro di leu di e hoben bolante Lu-Jean Bergen cu ta cai den nobenta. Despues di e gol RCA ta haya tres oportunidad mas pero no por a haya e punteria perfecto pa anota.

Den e segundo tempo un bez mas RCA tabata e mihor equipo e experiencia padilanti di Chito van der Biezen, Litmar Lacle y Youri Wernet tabata un ventaha grandi pa e equipo tricolor.  RCA ta sigui pone presion riba e defensa di Dakota, e equipo tricolor ta amplia e ventaha na 2 - 0 cu un tiro duro lastra den skina di e hoben Litmar Lacle. Despues e propio Litmar Lacle ta seya e victoria ora cu ta manda un tiro violento cu ta cai den e nobenta di e gol pa e 3 - 0.

Cu a dos derotanan aki asina mes Dakota ta keda na prome lugar cu 32punto. RCA ta keda na segundo pero cu dos wega menos hunga. RCA lo mester hunga diabierna ainda cu Riverplate pa despues topa Britannia. Cu dos victoria RCA lo por pasa Dakota y caba cu 33punto.

E otro resultadonan di e diaranzon 12 di maart nos tin Britannia y Estrella a keda empata 0 - 0 mientras Nacional/Washington a gana La Fama cu e score minimo di 1 - 0

Tambe nos tin e resultadonan di dialuna ultimo den Junioren.
Dakota ta suta Caravel 10 - 1, Brazil Jrs ta gana Arsenal 4 - 1 y Britannia ta gana Riverplate 2 - 1

album album album
album album album
album album album
album album album
album   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter