Wednesday, 16 April 2014
IBiSA ta informa: Tur preparativo ta cla pa Aruba 28th International Half Marathon 2013 di diadomingo awor Print E-mail
Friday, 15 March 2013 17:02
DSC_2063
E trabou necesario a keda haci y ta cla pa diadomingo awor ora cu señal di start keda duna pa e di “28th Aruba International Half Marathon” cuminsa. E evento deportivo mas grandi di aña cu ta conta cu participacion di atletanan local y internacional.

IBiSA ta invita comunidad di Aruba pa lanta, apoya y aplaudi tur atleta cu ta participa na e careda.

Ruta Half Marathon:

E ruta ta cubri 21Km y ta sali for di Joe Laveist Sportpark tuma caminda principal di San Nicolaas sigui bin full abou pasa retonde di Aeropuerto y ta keda riba e caminda aki pasa Pricemart, Aruba Bank bin abou direccion retonde Las Americas. Aki ta subi L.G. Smith Boulevard y ta keda riba e caminda na banda drechi bin abou y na altura di e stacion di gasoline Valero na Boulevard ta bay na banda robez di caminda, pa sigui bin full abou te na luznan di trafico banda di Fatum. Aki ta bay na man robez y ta tuma e caminda bin abou pa yega na Alhambra Casino su parkinglot. Pues e aña aki NO TA DESVIA e ruta di e Half Marathon, cu ta haci’e un ruta completamente straight bin abou te na final.

Postnan di Awa:

Manera ta e caso di tur aña, un biaha mas IBiSA ta pone e postnan di awa riba ruta pa asina duna tur participante na momento esaki ta sinti e necesidad pa tuma awa. E postnan di awa ta reparti riba e ruta y ta ubica na 5Km-Savaneta, Chow Supermarket; na 8Km-Pos Chikito, pabou di e retonde; na 11Km-Ser’i Teishi; na 14Km-Cura Garage Central, pariba di Pricemart; na 17Km-Tereno habri, Adriaan Lacle Blvd.; y e ultimo post di awa riba ruta ta na 19Km-Bushalte dilanti ex-Bushiri Hotel. Finalmente na yegada tur participante ta ricibi asistencia di masahista, soppi, etc.

Marcacion di Ruta:

Riba caminda personal di IBiSA tin marca cu verf color oranje, na unda cada post di awa ta ubica como tambe e participantenan tin un bista di e cantidad di Km cu nan tin recorri. Riba ruta ta visibel e marcacion di cada Km

Asistencia den caso di emergencia:

Na start, riba ruta y na finish tey presente voluntarionan di Rode Kruis. For di ‘Drive-inn’ te na finish ta haya tambe voluntarionan AZRIAH Brigade, mientras cu riba parkinglot di Alhambra Casino e voluntarionan di Emergency Brigade Response tey pa duna asistencia den caso di cualkier eventualidad. Cuerpo Policial, manera tur aña ta riba full e ruta pa coordina e trafico pa siguridad di tur participante. Personal di IBiSA tambe ta riba e ruta pa hiba e controlnan necesario cu ta rekeri durante un evento grandi asina.

IBiSA ta recorda tur participante pa nan ta na ora. Corda pone bo ‘race-number’VISIBEL na e parti dilanti di bo T-Shirt pa bo number por wordo marca corectamente ora bo cruza e liña final.

IBiSa ta desea tur participante hopi exito cu e careda diadomingo 17 di maart 2013.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter