Monday, 28 July 2014
IBiSA ta informa bo: Ultimo oportunidad pa inscribi y participa na Aruba 28th International half marathon 2013 ta diasabra Print E-mail
Friday, 15 March 2013 14:25
DSC_2063
Poco poco e dia grandi ta yega pa e careda mas grandi di aña organisa pa Instituto Biba Saludabel y Activo, IBiSA, cu ta “Aruba 28th International Half Marathon”.

Un evento di magnitud internacional cu ta conta cu participacion di atletanan di Estados Unidos, Canada, Sweden, Hulanda, Scotland, Norway, Venezuela, Curacao, Boneiro y mas cu claro nos atletanan di Aruba. Diadomingo awor dia 17 di maart 2013 pa 5:30a.m. ta start e careda cu tin espectativa grandi pa mira ken ta bira e maximo ganador e aña aki.

Ultimo dia pa Inscribi:

IBiSA ta informa cu e ultimo oportunidad pa inscribi ta DIASABRA dia 16 di maart 2013. Oficina di IBiSA ta habri for di 9:00a.m. te cu 1:00p.m. Despues di e orario aki no ta tuma mas inscripcion y ta mas cu claro cu riba diadomingo mainta 17 di maart 2013, prome cu e careda NO TA TUMA INSCRIPCION. Pa e parti di trabou administrativo e rekerimento aki ta necesario pa por procesa dato di tur participante corectamente y IBiSA asina por duna resultado mas rapido despues di e careda.

Inscripcion ta costa Afl. 25,- pa atletanan local mientras cu pa participantenan “non-residents” participacion ta US$. 20,-.

Por acudi na oficina (ex-IDEFRE) cu ta situa na e di dos piso di Certified Megamall riba L.G. Smith Boulevard.

IBiSA ta gradici RUNNERS cu ta patrosina e ‘race-numbers’ pa e careda e aña aki y na mes momento ta informa cu riba e numbernan tin un ‘barcode’ cu ta bay uza pa scan mas rapido na momento di ‘check-in’ prome cu careda.

Instituto Biba Saludabel y Activo- IBiSA ta desea tur atleta cu ta participa na e di “28th ARUBA International Half Marathon 2013” hopi exito. Alabes ta felicita y motivanan pa sigui ta parti di un estilo di bida saludabel y activo.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter