Friday, 25 April 2014
Hopi preparacion pa e Half Marathon diadomingo 17 di Maart Print E-mail
Monday, 11 March 2013 22:45

Marathon IBISA

Diadomingo awor lo tin e Half Marathon cuminsando for di mainta trempan na Joe Laveist Sport Park y termina na Alhambra Casino. Junior Dake di IBISA a splica cu e competencia aki ta uno caminda participante mester logra esaki den 3 ora maximo. Riba e ruta lo ta sera parcialmente den diferente aspecto pa garantiza e seguridad necesario pa cada participante.

Tur esnan cu ta voluntario di IBISA so mag di pasa. Esnan cu kier mira mester para canto di caminda. Diferente post di awa tin. E prome ta na di 5 kilometer, 8 kilometer, 14 kilometer etc… E area di seguridad lo ta den man di polisnan di diferente distrito. Tin un teamwork di Aruba Medical Brigade y Aruba Medical Assist cu Cruz Cora pa duna prome auxilio. Drive Inn lo tin e prome post. Cruz Cora lo tin e prome post cu pleister etc. Riba e ruta lo tin tambe esnan pa yuda den emergencia. E ruta lo wordo sera diferente caminda. Junior Dake di IBISA a splica cu segun drenta stad e trafico lo keda circula pero cu control di polis. E team di IBISA ta cla pa e evento aki. Alhambra semper a duna aporte. E careda lo ta exitoso manera semper. Junior Dake a splica cu esnan cu conoce e Boulevard Race lo conoce un estilo similar pa evita cu ta stroba e careda. Lo tin esnan cu ta duna asistencia, masahista y otronan hendenan cu por haya acceso pa e area aki. Lo bai tin dos stage pa asina camarografonan por haci nan cobertura tanto pa television como tambe saca potret. IBISA a gradici tur esnan cu a yuda y duna un man pa e careda por a bira posibel. Un top coredor mester por core e ruta di 21 kilometer den menos cu un ora. For di anja pasa tabata tin coredornan cu a inscribi for di exterior. Esnan conoci pa careda na pia na Aruba a inscribi caba pa participa. Junior Dake durante e conferencia di prensa a splica cu polisnan ta keda enfoka pa e movecion tey pa caba den tres ora. Si no por mester subi un transporte y wordo hiba na final.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter