| Diahuebs awor 4or den Stadion di Frans Figaroa Britannia Dama ta jama henter e fanaticada bin apoya nan contra Colombia |
 |
 |
| Monday, 11 March 2013 17:22 |
 E pumanan femenino di Piedra Plat esta Britannia Dama lo bai tin compromiso internacional diahuebs awor 14 di maart ora nan ta enfrenta un fuerte equipo di Colombia den stadion di Frans Figaroa na Noord. Esaki lo bai ta enconeccion cu e torneo internacional di Lifida organisa na Aruba durante henter e weekend benidero celebrando asina nos Himno y Bandera.
E equipo di Britannia Dama lo ta esnan prome cu lo enfrenta e equipo colombiano cu segun fuente ta uno bon.
E equipo di Britannia Dama actualmente ta comanda e tabla di posicion na Aruba, cu hopi gol anota y niun encontra. Den na ultimo compromiso nan a sa na gana 9 - 0. Den e equipo di Britannia Dama ta hunga Mylene Croes, Yelitza Ras, Quilen Dirksz, Laura Alvarez, Nasha Paesch, Kimberly Geerman, Celina Tromp, Lurrianny Dirks, Lizienne Maduro, Franchesca Diaz, Annemijn Dijkstra, Angele Winklaar, Jolande Ooijevaar, Yeritza Ras y Melissa Acosta. Coach Luiz Alberto Murillo, Ass coach Tineke Werleman, masahista: Sebastian Montoya Cano y Lider ta Sharin Gomez Di aki banda nan kier invita henter e pueblo di Aruba muy special e brigada di Piedra Plat pa yega 4or stadion di Frans Figaroa na Noord y bin mira nan den accion contra di Colombia. |
Mustra/Kita e formulario di comentario
