Wednesday, 23 July 2014
Aruba wieler bond ta continua cu su siguiente evento riba calendario 2013 Print E-mail
Monday, 11 March 2013 16:26
DSC_2063
Dialuna venidero, dia 18 di Maart, AWB ta organisando e siguiente evento riba calendario pa 2013. E evento Clasico Himno & Bandera 18 Maart, ta un actividad grandi di ciclismo, y tin actividad pa tur edad, pa e diciplina di Ruta y Montana. Cuminsando for di 6 ana o di nivel recreativo te cu competitivo, tur hende por participa.

Lo cuminsa dialuna mainta 8:00 am na ex hospital na Colony San Nicolas, cu e disiplina di ruta y mountain bike pa coredornan desde edad di 14 ana. Despues di e salida di e careda aki, ta start dibiaha cu e careda di mountain bike pa e muchanan entre 6 y 14 ana.

Registracion pa e evento aki, ta tuma lugar diahuebs 14 maart 2013.

Lugar: Urataka Center


Ora: 7:00 – 8:30 pm.

Costo di inscripcion pa adulto lo ta Afl 10 pa miembro. Pa non-members, e costo ta Afl 15. Pa e categorianan di mucha, e costo ta Afl 7.50. Pa muchanan non-members, e costo ta Afl 10.

Aruba Wieler Bond kier a extende un invitacion na tur coredor di bicicleta pa bin participa na e careda clasico aki cual tambe ta duna honor na nos Dia Nacional. Fanaticadanan tambe ta keda bon bini pa bin apoya nos ciclistanan local. E careda di ruta lo recore gran parti riba careteranan di San Nicolas, Pos Chikito, St. Cruz y Paradera y ta regresa bek pa termina na Colony San Nicolas. Ta pidi automobilistanan pa tene consideracion cu tin actividad di cislismo riba camindanan publico.

Pa mas informacion di e actividad organisa pa AWB, incluyendo informacion di e rutanan y distancianan cu lo wordo cori, por jama na number di telefon 690-0400 of manda un email na arubawielerbond@gmail.com of por bishita e website: www.arubacycling.net

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter