Friday, 24 October 2014
Gaby Ponson ta landa record Arubano Absoluto durante competencia Fearsome Velocity Print E-mail
Monday, 11 March 2013 14:43
DSC_2063
Weekend pasa Arubaanse Zwembond a organisa nan competencia “Fearsome Velocity” den piscina Olimpico Roly Bisslik.

E competencia aki tin como obhetivo principal pa duna landadornan di selección Arubano e ultimo oportunidad pa mehora nan temponan den cierto evento,promer cu nan cuminsa nan temporada final di preparación pa CONSANAT y CARIFTA. E atleta Gabrielle Ponson a landa un 200 m vrijeslag espectacular, mehorando su tempo cu mas cu 3 seconde. E tempo 2:08.10 ta un clasificacion pa CONSANAT, y alabes tambe un record nobo di categoría 15-17 y un record absoluto pa Aruba. Algun otro atletanan di selección Arubano tabata tin resultadonan remarkabel y positivo pa e temporada aki di entranamiento. Daniel Jacobs a mehora drásticamente den 100 m schoolslag y 100m vlinderslag. Mirando Daniel su mehoracion ultimo competencianan, e prospecto ta grandi pa bon resultado durante CARIFTA, cu ta bai tuma lugar fin di luna na Jamaica.

Brandon Cheong, cu solamente 11 anja ta bai representa Aruba pa promer biaha na CARIFTA, y desde cu Brandon a wordo selecta pa train cu selección Arubano,e ta mehorando su tempo den 50 meter y 100 meter schoolslag cada competencia. Anahi Schreuders tambe a mehora su tempo den 2 evento, esta 50 meter schoolslag y 50 meter vrijeslag. Joseph Winterdal, después di hopi luna entrenando, a logra baha bou di 1:03 den 100 meter vlinderslag, locual ta hopi satisfactorio pa e temporada aki, y Joseph sigur lo bai pusta cu e mihornan di Caribe na CARIFTA. Junice Martin, den 100 m schoolslag y Edward Mulder den 50 m vrijeslag, ambos a logra kita un tiki mas di nan tempo. Falta solamente 1 siman pa e delegación Arubano sali pa Chile (CONSANAT) y 3 siman pa Kingston, Jamaica. Durante e simannan benidero training di e landadornan lo wordo adapta pa nan por ta prepara optimalmente pa landa nan mihor temponan, y trece e mihor resultadonan posibel pa Aruba.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter