|
Liga Hubenil di AVB: Victoria sorpresivo di Estudiantes riba Estrella |
 |
 |
|
Sunday, 10 March 2013 12:15 |
|
Diasabra atardi e Liga Hubenil di AVB presenta pa Gatorade e bebida di nos futbolistanan hoben a continua riba tereno di Estudiantes na Dakota. Esaki tabata un wega valido den e Division di Menor, un wega cu anteriormente no a continua y mester a ser reprograma. Mester bisa cu atardi a bira un di sorpresa unda e muchanan di cas esta Estudiantes a carga pasenshi y a derota e fuerte equipo di Estrella cu score final di 4 - 2.
Un Estrella cu a cuminsa bon pero tog ta cai atras dos biaha pa despues bini bek y empata e partido pa medio di un pena maximo di Joel Geerman. Pero den e ultimo 15minutnan di wega, e equipo di cas esta Estudiantes a bira grandi y a anota dos gol mas pa seya e victoria. Homber grandi sigur e atardi aki pa Estudiantes tabata Gadiel Geerman cu ta score 2 gol pa Estudiantes, mientras e otro golnan a bini Nigel Geerman y Michael Molinares. Pa e naranjadanan di Estrella a anota Duncan Humoet y Joel Geerman. Asina tambe e prome buelta a caba den Division di Menor unda cu e equipo di Dakota ta lidera e tabla anto invicto. Aki dos siman e segunda buelta lo start sali atrobe tur diasabra pa 4.30 riba diferente tereno di bala rond di nos isla
 |
Mustra/Kita e formulario di comentario
