| Rumannan Zaithyel y Zyqion Soekandar “ZZ brothers” oficialmente ta forma parti di “GHP” na Merca |
 |
 |
| Saturday, 09 March 2013 11:03 |
|
For di Oldsmar, Florida a drenta e tremendo noticia cu Zaithyel y Zyqion Soekandar a titula “campeon” den e day 1 race Gator Nationals. Zaithyel tawata conosi caba cu lo a hasi cambio di team di RedLine/M pa GHP y awor su ruman Zyqion tambe oficialmente ta parti di team GHP. Pa basta tempo GHP ta tras di Zaithyel debi na su logronan na tera Mericano y despues di deliberacionnan a hasi e cambio aki caminda e lo a haya mihor beneficio. Su ruman Zyqion no ta kedando atras den e deporte di BMX y debi na e tremendo prestacion di e careda di diavierna GHP no a laga e oportunidad habri pa otro team y a claim e pa team GHP. Esaki sigur ta un tremendo logro pa Zyqion su carrera como deportista. E rumannan aki ta hasiendo un tremendo trabou na tera Mericano. Cada careda nan core e narador no por keda sin menciona cu ta di pais Aruba nan ta. Esaki indudablemente un tremendo logro y promocion pa deporte y pais Aruba. Pabien na “ZZ brothers” y exito pa e caredanan di diasabra y diadomingo! |
Mustra/Kita e formulario di comentario
