Saturday, 30 August 2014
AVB: Puma nan di Piedra Plat lo topa e Naranjado nan di Santa Cruz Print E-mail
Friday, 08 March 2013 20:34

Puma Britannia

No ta sigur si esaki ta e mesun puma cu a ser mira den Dakota un par di siman atras, pero investigador nan ta tras di su pista. Informacion cu a drenta inicialmente tawata papia di un atake den Janchi’s Mini Market na Papilon caminda un Puma a kibra e porta y haci basta destruccion na e propiedad. Un conocido reportero deportivo di fam Chinese tawata den e lugar ora cu e Puma a drenta den e lugar. Tur hende a keda den schock y segun testigo nan e reporto a cai flauw ya cu e tawata para banda di stand di appelsina nan y e Puma a bin straight riba dje. Pero ora e puma a para su dilanti e la saca un saco y hinca 5 pa 6 appelsina den e saco y despues e la bandono e sitio sin lastima ningun hende.

Aparentemente esaki ta un senjal lound and clear di loke por spera manjan anochi ora cu e “Puma nan di Piedra Plat” SV Britannia topa e Naranjado nan di Santa Cruz SV Estrella. E team di Britannia ta na promer lugar cu 26 punto, mientras cu Estrella na colgando na di 6 lugar empata cu Dakota cu 14 punto. Nos reportero cu a yega net e puma ta bandonando e sitio a logra saca un potret di e Puma. Tambe nos tin informacion cu e conocido reportero deportivo di fam Chinese mester a ser transporta pa Hospital unda e lo keda te cu diadumingo despues di e wega di Estrella.

Un invitashon ta bai na e fanaticada di ambos equipo pa yega stadion Guillermo Trinidad diasabra pa e tremendo wega aki. Bala ta cuminsa lora pa 8 or di anochi. Esaki tambe lo bira e AVB game of the week y lo wordu transmiti via ITV canal 49 y riba website di AVB, WWW.AVBAruba.aw. Manera ta conoci e anja aki e campeonato di Division di Honor di AVB lo carga e nomber di Subway Cup, asina consolidando e aliansa entre AVB y Subway. Sigui futbol di Aruba riba facebook AVBaruba.aw of riba e website WWW. AVBAruba.aw. Futbol Division di Honor…”Score Fresh”!!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter