Wednesday, 16 April 2014
AVB: Aruba a perde un gran dirigente di futbol Print E-mail
Friday, 08 March 2013 20:12

avb

Directiva di AVB ta informa tur su miembronan, fanaticonan y pueblo di Aruba en general cu Aruba a perde un gran dirigente di futbol. Sr. Boei Marchena tabata un persona hopi conocí den e mundo di futbol aki na Aruba y tambe den exterior. Sr. Boei Marchena su prome funcion como dirigente di AVB tabata formando parti di un Comision di 5 persona na aña 1973.

Na maart 1973 Boei Marchena a keda eligi como miembro di directiva di AVB. Sr. Boei Marchena lo keda den directiva di AVB te cu dia 27 november 1983. For di 1974 te cu 1977 e tabata Secretario General di AVB y for di aña 1981 te cu 1983 Boei Marchena a ocupa e puesto di presidente di AVB. Na aña 1986 sr. Boei Marchena tabata un di e motornan tras di e fundacion di LIFIDA, ocupando e puesto di secretario general di LIFIDA. Na aña 1991 un biaha mas Sr. Boei Marchena ta wordo eligi pa forma parti di directiva di AVB, e lo ocupa e puesto di Vice-Presidente di AVB te cu aña 1993. Na aña 1996 sr. Boei Marchena ta keda eligi como Presidente di AVB y e lo keda presidente di AVB te ora e mes a retira na aña 2000. Na juli 2009 Sr. Boei Marchena den un reunion general ta keda nombra Miembro Honorario di AVB. E ultimo añanan sr. Boei Marchena a forma parti di e Comision di Apelacion di Arubaanse Voetbal Bond. Sr. Boei Marchena lo keda den memoria di e mundo di futbol aki na Aruba como un gran dirigente. Directiva di AVB kier a desea su famía hopi forza den e dianan dificil aki

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter