Friday, 19 December 2014
AVB cu Curso di Referee Basico Print E-mail
Friday, 08 March 2013 13:21
Comparti
DSC_2063
Directiva di AVB ta informa na tur fanatico di futbol y pueblo di Aruba en general cu dia 22 di maart 2013 lo inicia un curso di Referee Basico. E ultimo añanan AVB a tuma mas categorianan bao di su encargo.

Entre otro pa locual ta categorianan juvenil y categorianan femenino. Esey ta pone cu e cantidad di weganan cu ta cai directamente bao auspicio di AVB a aumenta. Pa tur e weganan wordo bon dirigi, mester di referee. E dianan di e curso lo ta 22-23-24 di maart 2013 y despues lo sigui dianan 5-6-7 di april 2013. Na final di e curso tur participante lo ricibi un certificado. Despues lo sigui un stageperiode di 1 luna, unda cu e cursista lo dirigi minimal 3 wega. Despues di e stageperiode lo ricibi e Diploma di Referee Basico di AVB. E curso aki lo wordo dirigi door di Sr. Frans Dijkhoff (Head of Refereeing di Aruba), Sra. Monique Ras ( Referee Instructor) y Sr. Egberth Paesch (Referee Fitness Instructor).

Directiva di AVB ta convenci cu tin potencial bao di e fanaticonan di futbol aki na Aruba cu tin e aspiracion pa bira referee y di e manera aki tambe duna un contribucion grandi na e deporte rey aki na Aruba. Pa mas informacion por tuma contacto via email avbaruba@hotmail.com of por jama oficina di AVB, dialuna pa diabierna, parti mainta na telefoon 5877357. E formulario di inscripcion lo ta disponibel na oficina di AVB y tambe riba e website di AVB www.avbaruba.aw.


Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter