Monday, 22 December 2014
Tribal Cycling Club Full Moon MTB Tour March Edition a kibra tur record atrobe cu 160 participante Print E-mail
Tuesday, 05 March 2013 23:10
Comparti

front

Despues di un 2012 cu hopi exito cu tabata tin recordnan tras di otro awo na 2013 nos ta cuminsa cu un record atrobe. Nos a dicidi di dedica e Full Moon MTB Tour aki na Roland "Roche" Tromp principalmente pasobra Roche tabata un bon persona, amigo y fiel participante na nos evento nan vooral e Full Moon MTB Tours.

A ser planea dos ruta pero nos a adapte pa por a bai duna un momento di respet na Roche su cas serca su famia. Esaki ta e promer Full Moon MTB Tour cu a wordu transmiti en bibo na su comienso danki na e cooperacion sublime di Sra. Dilma Arends-Geerman hunto cu Tele Aruba y Sr. Manuel da Silva. Na comienso nos president, Sr. Jairo Dania, a duna un splicacion di e ruta y e intencion di e ruta adapta y tambe na cas di Roche a pidi un minuut di silencio pa Roche. Tambe tabata presente y a participa nos Minister di Salubridad y Deporte, Sr. Min. Richard Visser cu semper sa di apoya nos deporte y a hiba palabra tambe na cas di Roche. Despues full e grupo a bai bek y esnan mas avansa a bai via e ruta mas largo y e principiantenan a bai via e ruta mas cortico tur dos via costa. Na yegada bek na Arashi tur participante a bolbe haya un Monster Energy y un mini burrito saludabel di Mondjes. Nos kier a gradici Cuerpo Policial cu na e ocasion aki a coopera cu nos deporte y duna nos un guia via e camindanan di asfalt te na Roche su cas y despues pa bolbe bek. Esaki ta algo di aplaudi pa e positivismo den nos Cuerpo Policial pa cu deporte. Nos siguiente Full Moon MTB Tour ta bai ta dia 26 di April. Nos ta spera un participacion masal y posibelmente un record nobo!!! Danki Aruba pa sostene nos deporte di mountain biking!! Facebook: Tribal Cycling Club email: tribalcyclingclubaruba@gmail.com

gallery1 gallery1 gallery1
gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter