Tuesday, 22 July 2014
Diadomingo 17 di februari 2013 duna dor di e futbolista Robin Nelisse Print E-mail
Wednesday, 13 February 2013 16:44
DSC_2063
Un biaha mas Gobierno di Aruba ta percura pa trece un profesional den deporte pa duna un clinica na e hobennan di Aruba.

E slogan ‘deporte na pecho’ ta ilustrativo pa maneho di gobierno riba tereno di deporte. Algun luna pasa mandatarionan di Aruba a pasa na e facilidadnan deportivo pa firma un acuerdo di reduccion di coriente cu dirigentenan di e clubnan. Di e forma aki dunando incentiva pa cuminsa cu e weganan riba e veldnan den oranan di anochi. E luznan grandi cu ta ilumina e veldnan por wordo cendi atrobe cu e reduccion di coriente cu e clubnan a haya. Deporte ta sano y un hoben den deporte ta un hoben menos riba caya cu por bay den mal caminda. Esaki ta e pensamento di Gobierno di Aruba y ta p'esey mes cu e ta haciendo su maximo esfuerso pa atrae futbolistanan y otro profesionalnan deportivo den nan ramo di exterior pa bin Aruba pa siña nos muchanan con hunga lo miho posibel cu e bala, siña nan e liheresa cu nan mester tin pa por hunga riba nivel halto y pa asina nan tambe un dia por bira un profesional. Bira un deportista profesional ta e soño maximo di hopi. Ta loke tur kier logra. Un soño no mester keda na un soño so, e mester por bira un realidad.

Pa yuda e hobennan cu realisacion di nan soño Gobierno ta trece e biaha aki Robin Nelisse pa duna un clinica den stadion di Dakota. Esaki ta tuma luga riba diadomingo dia 17 di februari 2013 di 9 pa 1’or di merdia y ta pa hobennan entre 13 pa 15 aña. Pa inscribi por tuma contacto cu David Adbul na telefon 592 5235 of por email e na d.abdul@arubagovernment.aw

E futbolista Robin Nelisse a naci dia 25 di januari 1978 na Rotterdam, Hulanda y tin un mama Hulandes y un tata Arubiano. Nelisse a hunga di 1997 pa 1999 pa Feyenoord Rotterdam, di 1999 pa 2000 pa Cambuur Leeuwarden, di 2000 pa 2005 el a hunga pa AZ, di 2005 pa 2008 pa FC Utrecht y di 2008 pa 2011 pa Red Bull Salzburg na Austria. Pa motibo cu el a haya problema cu su rudia Nelisse mester a stop cu su carera profesional. E ta trahando un cas na Aruba y ta embahador di Dutch Caribbean Stars.

Hoben, si abo ta entre 13 pa 15 aña y bo kier participa na e clinica gratis aki corda inscribi mas lihe posibel, pasobra cu cuponan ta limita.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter