Friday, 31 October 2014
Buenos Aires, Glasgow y Medellin entre e ciudadnan pa organisa Weganan Olimpico Hubenil Print E-mail
Wednesday, 13 February 2013 15:47
DSC_2063
Tres ciudad, entrenan dos Sur Americano, a ser escohi awe pa Comite Olimpico Internacional pa organisa e tercer edicion di e Weganan Olimpico Hubenil cu ta tuma lugar na 2018.

E tres ciudadnan, esta Buenos Aires (Argentina), Glasgow (Gran Bretania) y Medellin (Colombia) a ser escohi entre e cinco candidatonan restante pa host e Weganan Olimpico Hubenil. E ciudadnan di Guadalajara (Mexico) y Rotterdam (Hulanda) no a yega pa ta entre e tres ultimo puestonan otorga.

E Comite Ejecutivo di IOC a determina e composion di e lista di escohencia durante di un reunion na Lausanne despues di a revisa un raportahe traha dor di e Comision di Trabou (Working Group) di IOC, lidera pa Miembro di IOC Claudia Bokel. Comision di Trabou (Working Group) su raportahe tabata basa riba e documenton di e candidatura y otro documentacionnan relevante di e cinco ciudadnan.

Awor un Comision di Evaluacion lo continua e siguiente analisis y lo tene un conferencia por medio di video cu e representantenan di e tres ciudadnan cu ainda ta den e nominacion prome cu haci entrega di e rapport final na e miembronan di IOC, kendenan lo mester bai eligi e ciudad ganador durante di un reunion extraordinario di Session na Lausanne dia 4 di juli proximo.

E oferta pa host e tercer edicion di e Weganan Olimpico Hubenil na 2018, ta sigui e exitoso weganan di invierno y verano (Singapore 2010 y Innsbruck 2012) y alavez ta demostra e interes grandi cu ta reina entre e ciudadnan rond mundo pa organisa e evento. E segundo edicion di e Weganan Olimpico Hubenil lo tuma lugar na e ciudad di Nanjing na 2014, sigui pa e segundo edicion di e Weganan Olimpico Hubenil di Invierno na Lillehammer, esaki na 2016.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter