Saturday, 01 November 2014
Deporte di Lucha lo sigui bringa pa futuro participacion den Weganan Olimpico Print E-mail
Wednesday, 13 February 2013 15:45
DSC_2063
Despues di a haya un desapunto enorme, ora cu nan a ser saca for di e participacion Olimpico, e deporte di lucha lo continua na bringa pa su participacion, mirando nan presencia den henter e historia di e weganan cu excepcion di uno, bayendo atras te na anja 1896.

E desicion a bini di e Comite Ehecutivo di Comite Olimpico Internacional pa move e deporte di lucha despues di e weganan di Rio 2016. Esaki ta nifica cu e deporte di pentathlon moderno, cual den un principio tabata e deporte favorito pa ser movi, a mantene su mes riba e programa Olimpico.


Awor lucha, hunto cu shete otro deporte, cu ta baseball/softball, squash, karate, roller sports, sport climbing, wakeboarding y wushu, lo ser poni riba lista di escohencia pa e programa Olimpico pa anja 2020 na Istanbul, Madrid of Tokyo, ora cu henter e Session di IOC reuni na luna di september proximo.

E deporte di lucha a keda desapunta cu e desicion, asina mes cu su era a inicia na anja 708 prome cu Cristo unda ela aparece den e Weganan Olimpico antiguo.

Lucha a ser inclui na Atenas tambe ora cu a reviva e Weganan Olimpico na 1896 y a aparece den tur e weganan, cu excepcion di e edicion di Paris 1900.

Mester bisa cu tur e 26 deportenan cu a participa na e weganan di Londres 2012 teoreticamente tabata bou mira pa ser removi. Pero e 14 miembronan di Comite Ehecutivo, excluyendo e miembro sin derecho di voto presidente di IOC, Jacques Rogge, a inicia e dia unda a discuti seriamente e futuro di cinco deporte cual tabata inclui canoeing, hockey y taekwondo.

Den e prome tanda, lucha y pentatlon moderno a haya un cantidad di cinco voto cu hockey hayando dos, mientras canoeing y taekwondo a haya uno.

Den e di dos tanda, e deporte di lucha a ricibi shete voto, pentatlon moderno cuater, canoeing, hockey y taekwondo uno.

Den e ultimo tanda, canoeing a sigura su participacion y a sobrevivi hayando solamente tres voto, compara cu hockey ricibiendo seis voto y taekwondo cinco voto.

Despues taekwondo a ser elimina ora niun hende a vota den su contra den e di cuater buelta, ora cu seis voto a bai pa lucha, cinco pa pentatlon moderno y tres pa hockey.

E voto final pa ser elimina a bai entre hockey, pentatlon moderno y lucha.

Lucha a perde, ora cu ocho miembro a vota pa nan ser elimina cu hockey y pentatlon moderno hayando solamente tres.

Hopi a spera cu e deporte pentatlon moderno, un deporte crea pa Baron Pierre de Coubertin, inventor di e Weganan Moderno, y cu semper tabata riba e programa Olimpico desde Stockholm 1912 tabata esun mas mira pa ser elimina.


Pero e intervencion di e yui di e ex-presidente di IOC y alabez vice-presidente di e International Modern Pentathlon Union (UIPM), esta Juan Antonio Samaranch, a salba esaki.

E hecho cu hockey a keda te na ultimo pa ser elimina tabata un sorpresa pa hopi, esaki ta haci cu e deporte mester bai re-evalua su participacion.

dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter