Friday, 24 October 2014
Deporte di Lucha no ta wordo inclui mas den Weganan Olimpico 2020 Print E-mail
Wednesday, 13 February 2013 11:36
DSC_2063
Dialuna ultimo, e Comite Ejecutivo di Comite Olimpico Internacional (IOC) a dicidi cua ta e 25 deportenan cu ta keda riba programa pa e Weganan Olimpico. Den e ultimo Weganan Olimpico di Londres 2012 tabata tin 26 deporte cu a participa.

Decision cu a wordo tuma na 2005 caba sinembargo ta cu lo tin un ""nucleo" di 25 deporte, na cua por agrega no mas cu 3 deporte pa e bira un total di maximo 28 deporte riba programa. Dos di nan a wordo dicidi caba, na momento cu a dicidi di agrega golf y rugby na e programa. Den su reunion di e siman aki, Comite Ejecutivo di IOC a dicidi unanimamente di NO inclui wrestling den e grupo di 25 deportenan mas. E decision aki awor ta wordo presenta pa wordo trata den e Session na september proximo, cual ta un reunion di tur e miembronan di IOC. E Session tin e dificil tarea pa dicidi cua ta e deporte cu lo ser agrega, completando e 26 deportenan. Pa e un cupo ey cu tin habri, tin un total di ocho deporte candidato.

Nan tae deporte di lucha cu tog lo trata di drenta un bez mas - baseball/softball, climbing sports, karate, roller sports, squash, wakeboard y wushu. Na luna di mei 2013 tur ocho deporte tin e oportunidad pa duna un presentacion na Comite Ejecutivo di IOC. Despues di esaki, Comite Ejecutivo lo duna un recomendacion na e Session, cu finalmente ta e organo cu ta dicidi.  Mirando e exito di Londres 2012 unda tur e 26 deportenan a luci, conociendo un record di bishitante, ta interesante pa sa cua deporte lo ser escohi pa bini acerca, un desicion cu lo ta uno hopi dificil pa tuma. E discusion lo bai ta fuerte, mirando cu cada uno lo defende nan puntonan di interesa cu alma y cuerpo. Alo largo pa cada deporte e ta un prestigio pa forma parti di Weganan Olimpico, pero tambe tin un interes economico pa un deporte forma parti di e programa di Weganan Olimpico.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter