Diaranson atardi a cuminsa core un noticia rond cu un Submarino Blau a ser mira den dam di Cas Ariba na Santa Cruz. Aparentemente dos persona cu tawata pasando eybanda a mira algo blauw sumergi di awa. Nan no tawata sigur kiko e ta, pero un cos si cu e la sorprende nan. Un di e testigo nan L.E no por a kere su wowo nan y a keda den shock. E otro testigo P.M. a Sali na careda bai busca ayudo, pero no a bolbe bek banda di e dam. Mesora nos reportero nan di AVB info a cuminsa un investigashon riba e susedido.

A tuma contact cu Marina Real pa wak si tawata tin un entrenamiento den Santa Cruz, tambe a check cu Centro di Radar pa wak si por a detecta algo. Brandweer a manda su divers nan pa baha den e dam pa wak sin nan ta hanja rastro di e artefacto blau waki, pero sin mucho suerte. E unico cos cu e diver nan a hanja ta algun pisca Pishi Porco cu marca oranje ta drief boca habri. E diver nan ta pensa cu porta un exploshon lo por a manta tur e pisca nan aki. E ta keda un misterio si ta berdad of no cu lo tawata tin algo parecido na un submarino den e dam. Algun hende ta pensa cu porta ta e submarino blau di Pos chiquito e dos persona nan aki lo a wak, ya e team di Unistars ta preparando fuerta pa cuminsamento di Segundo buelta ora cu nan ta habri dia 14 di February contra e muchanan di Angochi SV Arsenal. Informashon cu Arsenal a laga sa cu nan a hanja 2 jugador nobo y nan ta bin pa gana. E team di Unistars tambe tin algun arma secreto cu nan lo saca pa e wega aki, ya cu Arsenal tin 13 punto cu un wega menos y Unistars tin 16 punto na di 3 lugar. E tereno di wega lo ta Compleho Deportivo Frans Figaroa na Noord. Bala ta cuminsa lora pa 8 or di anochi. Un invitashon ta bai na tur e fanaticada di Pos chiquito, Sabana Basora y becindario pa sigui duna apoyo na e team di Unistars .Sigui e soldiers nan di e Submarino blau shelo via facebook riba Unistars Unico y sigui futbol di Aruba via www.AVBaruba.aw.

Comentarionan (3)

Mustra/Kita comentarionan

...

Nan a bin for di venezuela pasa bow di Aruba rijs den dam pa baja ilegal!!!!

Ban serio , February 08, 2013

• 
• +0
• 
• 

...

Ta kiko nan lo a huma of bebe?? Ta ken ta e testigonan? Pader Lampe cu ken mas??

buchicunucu , February 08, 2013

• 
• +0
• 
• 

...

Ta paranoïde nan tawata

django , February 09, 2013

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi