Tuesday, 30 September 2014
IBiSA ta informa: Bo ta gusta Deporte y bo ta desea pa tur hende ta activo den movecion? Print E-mail
Monday, 04 February 2013 14:11
DSC_2063
Instituto Biba Saludabel y Activo, IBiSA ta trece na conocemento di tur hoben cu ta interesa pa sigui e estudio di CIOS na Hulanda, cu e testnan ta tuma lugar dianan 22 y 23 di februari 2013.

“CIOS” ta e abreviacion pa ‘Centraal Instituut voor de Opleiding tot Sportleiders’ y e estudio aki riba nivel di MBO ta dunabo oportunidad pa haya un profesion den deporte y/of movecion.

Rekisito necesario:

Un studiante cu ta den su ultimo aña di MAVO 4, of a gradua caba di MAVO 4, of tambe studiantenan di EPB-doorstroom ta esnan cu ta bin na remarke pa haci e test di CIOS pa mira si nan por cualifica pa drenta e instituto na Hulanda. E instituto unda cu e studiante lo sigui e estudio di CIOS ta situa na Arnhem.

Fecha y lugar di test:

E prome dia di test ta tuma lugar diabierna dia 22 di februari 2013 den e gymzaal di St. Teresita School na San Nicolaas. E testnan lo tuma lugar entre 5:00 -7:00p.m. Riba diabierna tin test di e habilidad fisico y e habilidad di coordinacion di e participantenan.

Riba diasabra dia 23 di februari 2013 ta cuminsa pa 8:00a.m. na Community Pool na San Nicolaas y ta pidi tur participanten pa tei presente for di 7:45a.m. Mainta ta cuminsa cu e test di habilidad di landamento. Pa e test di landamento ta necesario ‘zwembroek’ pa mucha homber y ‘zwempak’ pa mucha muher (no bikini). Despues ta sigui entre 9:30-11:30a.m. cu habilidad den diferente wega/deporte, entre otro volleyball, basketball y futbol. Tur participante mester tin nan keds y paña deportivo, pues NO jeans.

Entre 12:00 di merdia pa 2:00p.m. ta test e habilidad di duna les. Aki e hoben lo haya oportunidad pa durante 5 minuut, e mes duna les na un grupo chikito.

Pa e dos dianan di e test di CIOS, IBiSA lo percura pa tur material necesario pa haci e testnan, mientras cu ta pidi e participantenan pa nan trece fruta, gatorade, energybars, etc pa nan por come y bebe entre e oranan cu e diferente test ta tuma lugar.

Formulario di Inscripcion:

Tur hoben cu ta interesa pa haci e test di CIOS ta keda cordialmente invita pa tuma contacto cu sra. Jacqueline Ponson-van Putten riba su e-mail: Jacqueline.vanPutten@aruba.gov.aw">Jacqueline.vanPutten@aruba.gov.aw .

Na su turno sra. Ponson van Putten ta manda e formulario di inscripcion pa tur esnan cu ta interesa. Ultimo dia pa bo inscribi pa bo haci e test di CIOS ta dialuna dia 18 di februari 2013.

IBiSA ta recorda tur hoben pa haci e contacto na tempo, pidi bo formulario di inscripcion, yena esaki y entreg’e mas pronto cu ta posibel. Pa asina bo sigura bo puesto den e grupo di hoben cu lo haci e test di CIOS e aña aki, sino bo ta perde bo oportunidad y mester warda te proximo aña, ya cu e test di CIOS ta wordo haci solamente un biaha pa aña.

dowers dowers dowers
dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter