Wednesday, 22 October 2014
Exitoso Competencia di Landamento y Landamento Sincronisa Dia di Betico Print E-mail
Thursday, 31 January 2013 17:03
DSC_2063
Mundo di landamento di Aruba a celebra Dia di Betico cu dos competencia exitoso pa su atletanan. Diahuebs a cuminsa cu e competencia di landamento. E atletanan di Aruba Dolphins, Stingray Swimming y The Orcas a lucha duro den pisina pa logra gana un di 68 medayanan di Oro, Plata y Brons cu tabata tin pa ortoga.

Na final e equipo di Aruba Dolphins a logra gana un total di 91 medaya, 40 di nan di Oro. Stingray a captura e posicion di honor 26 biaha cu un total di 70 medaya. Atletanan di Orca’s a logra gana 12 medaya total entre nan 2 medaya di Oro. Jasper Timmer (9-10 anja), Mijaila Roos (18- 24 anja) di Aruba Dolphins, y Ally Ponson (15-17 anja) di Stingray Swimming a destaca individual durante e anochi ganando Oro den tur 4 di nan evento. Solamente un Record Arubano nobo a wordo landa den 4 x 50 Wisselslag estafette den categoria 13-14 anja door di e equipo di Aruba Dolphins consistiendo di Tyreke Wernet, George den Dunnen, Edward Mulder y Shawn Loefstok.

   Durante e anochi a tuma lugar algun Time Trial pa varios landador di Selecion di Aruba cu ta preparando pa participa na e Campeonato SurAmericano di landamento, CONSANAT, y tambe na e Campeonato di Caribe, CARIFTA. CONSANAT lo tuma lugar na Chile di 14 pa 17 di Maart. Pa e landadornan Arubano esaki ta un di e competencianan mas grandi den categoria di edad, cu participacion di Brazil, Venezeula, Colombia, Argentina y Peru. Den historia Aruba a logra gana solamente 4 medaya total durante CONSANAT. Na 2005 Micky van der Vaart a gana e promer medaya, un brons. Despues na 2011 Daniella van den Berg a gana 1 plata y Jordy Groters a gana 2 medaya di brons. Te awor aki e sigiente 5 atletanan a logra clasifica pa representa Aruba na Chile y lo bai trata di subi e cantidad di medaya pa Aruba:

Muchamuher 13-14 anja: Rebecca Maduro

Muchahomber 13-14 anja: Mikel Schreuders

Muchamuher 15-17 anja: Ally y Gaby Ponson

Muchahomber 15-17 anja: Jordy Groters

     CARIFTA lo tuma lugar na Jamaica di 29 di Maart pa 3 di April. Aruba a crece como un di e paisnan participante mas fuerte na CARIFTA. Aruba lo wordo representa na Jamaica pa e sigiente 21 atletanan cu a logra clasifica te aworaki:

Muchamuher 11-12 anja: Flory Kock, Keeley Maduro y Anahi Schreuders

Muchahomber 11-12 anja: Brandon Cheong, Keyshawn Godet, y Daniel Jacobs

Muchamuher 13-14 anja: Ginayla Arends, Rebecca Maduro y Junice Martin

Muchahomber 13-14 anja: George den Dunnen, Patrick Groters, Edward Mulder, Mikel Schreuders, Tyreke Wernet y Joseph Winterdal

Muchamuher 15-17 anja: Ally Ponson, Gaby Ponson, Daniella van den Berg

Muchahomber 15-17 anja: Jordy Groters, Renze Postma, y Marc Willems

 

 

Diasabra a toca turno pa e landadornan sincronisa pa competi den un competencia di e parti tecnico di synchro esta figuras. 8 atleta den categoria 13-15 anja y 4 atleta den categoria 16-18 anja a participa. E atletanan den categoria menos cu 12 anja no a competi debi cu nan tan a Korsow participando den un competencia internacional. Durante e competencia di figuras e atletanan cada un a demonstra 4 figuras cu a wordo husga door di jueznan di synchro. Den categoria 13-15 anja Ariadne de Goey a keda na prome lugar, sigi pa Abigail de Veer na di dos lugar y di tres lugar a bai pa Chelsea Mejia Torres. Den categoria 16-18 anja Nathania Taylor a keda na prome lugar, Alexandra Mendoza Torres a keda na di dos lugar, y Nakaylee Didder a termina na di tres lugar. E puntonan final pa tur participante ta como lo sigiente:

13-15 anja

1. ARIADNE DE GOEIJ 63.206

2. ABIGAIL DE VEER 61.628

3. CHELSEY MEJIA TORRES 59.648

4. ERICA JARAMILLO 57.829

5. TALISAH BEKE 56.116

6. AMANDA MORALES 54.131

7. ISABELLA NOGUERA 52.027

8. NATHANIA RILEY 50.166

 

16-18 anja

1. NATHANIA TAYLOR 61.448

2. ALEXANDRA MENDOZA TORRES 60.387

3. NAKAYLEE DIDDER 57.694

4. FEMKE RUTGERS 57.496

   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter