Thursday, 24 July 2014
Coredornan di Aruba pa e ING Miami Marathon y Half Marathon 2013 Print E-mail
Tuesday, 22 January 2013 20:10

minimarathon

Dia 27 januari proximo lo tuma lugar na Miami e famoso ING Miami Marathon y ½ marathon 2013. E anja aki un biaha mas un grupo di coredornan di Aruba lo ta participando na e Marathon aki. Pa algun di nan esaki lo ta pa varios biaha caba cu nan ta participando na e Miami Marathon aki y pa otronan esaki lo ta e prome experiencia. E anja aki un total di 19 coredornan mayoria ta di e grupo “Run for your heart”. Un grupo cu ta hopi anima, motiva y cu gran passion pa e deporte di coremento. E grupo aki mayoria biaha ta concentra nan mes riba coremento di distancia largo manera un marathon. Cada anja e evento aki ta conta cu participashon di varios coredonan rond mundo. Tur anja e cantidad di participantenan ta aumento tanto pa e Marathon y tambe pa e Half Marathon. E grupo di Aruba ta consisti di 5 coredo muher : Shariska Winteral, Esmeralda Hendriks, Angelina Ponson, Chantell de Palm, Suzy Verbrugge. Y 14 coredor homber : Dr.Joaquin van Trigt, Michel La Haye, Carlo Mansur, Dr. Johnny Cheng, Dr. Patrick Haime, Jurgen van Schayk, Frank Dubbeld, Eugene Martis, Wilfred Ras, Bart Kool, Burt Tromp, Koos Veel ,Armand Cramer y Maximillion Irving. Tambe tin algun otro coredonan mas di Aruba cu tambe lo participa na e evento aki. Pa participa na un Marathon (42.2 Km) ta exigi hopi disiplina, dedicashon y determinashon y sigur will power. Entrenamentonan largo y intensivo cu e grupo aki a forma parti di dje y cu awor ta cla pa e reto. Na unda cu den siman y tambe den weekend tin cu lanta 4:00 di mainta pa por cumpli cu nan entrenamento. Pero cu hopi motivashon y animashon e grupo aki ta mantene nan mes uni y asina cada un ta motiva otro. Y nan ta determina y sigur di nan mes cu nan lo hasi sigur un bon papel den e Marathon aki. Un biaha mas nan lo ta coriendo den nan t-shirt cu nomber di Aruba y asina tambe promoviendo nos dushi isla ARUBA !!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter